७ अर्ब लगानीमा सिंहदरबारभित्र यस्तो बन्दैछ संसद भवन (फोटो फिचर)
सिंहदवारमा संघीय संसदकाे भवन निर्माण भइरेहेको छ । नयाँ बानेश्वरस्थित वीरेन्द्र अन्तर्राष्ट्रिय सम्मेलन केन्द्रकाे भवन भाडामा लिएर चलिरहेको प्रतिनिधिसभा र राष्ट्रिय सभाका लागि याे भवन बनेकाे हाे । याे भवन नेपाली सेनाको अधिनमा रहेको पुतली बगैँचामा निर्माण भइरहेको हो ।
सिंहदरबारस्थित पुतली बगैंचामा १ सय ७३ रोपनी ८ आनामा निर्माणाधिन यस भवनका लागि सरकारले टुन्डी शेक जेभीसँग ६ अर्ब ९२ करोड रुपैयाँमा सम्झौता गरेको थियो । ३ वर्षभित्र निर्माण सम्पन्न गरिसक्ने गरि सम्झौता गरिएको सहरी विकास तथा भवन निर्माण विभागले जनाएको छ ।
यो भवनको योजना तथा वास्तुकलाको जिम्मा गन्गर कन्सल्टेन्सीले पाएको थियो भने विस्तृत संरचनाको डिजाइन डिगीकोन इन्जिनियरिङ कन्सल्ट प्रा.लिले पाएको छ । यस संसद भवनभित्र ११ वटा भवन तथा पूर्वाधार निर्माण हुने विभागले जनाएको छ । साथै, प्रतिनिधि सभा भवन, राष्ट्रिय सभा भवन, अति विशिष्ट व्यक्तिहरूको कार्यालय भवन रहेको छ ।
