आज घटस्थापना– यसरी राख्नुहोस् जमरा, यस्तो छ जमराको महत्व ?



आजबाट बडा दशैं सुरु भएको छ । दशैंको पहिलो दिन आज घटस्थापना । माटो तथा गोबरले घर शुद्ध बनाएर जमरा बिजारोपण गरी नौ दिनसम्म विभिन्न नामले शक्तिको पूजा आराधना गरिन्छ ।

जमरा राख्ने यसको आफ्नै खास विधि, मन्त्र रहेको छ । दशैंका लागि जमरा राख्दा जौको बिउ अनिवार्य राख्नु पर्ने हुन्छ । यसका बाहेक आफ्नो संस्कृति अनुसार धान, माकै, गहुँको बिउ पनि प्रयोग गर्न सकिन्छ । जमराको राख्ने स्थानमा कलशमा दियो बालेर पूजा गरिन्छ । जुन दियोमा विभिन्न देवीहरुको नाम लिएर पूजाआजा गरिन्छ । यसरी राखिएको जमरामा दिनदिनै जल अर्पण गरी पूजा गरिन्छ ।

यसरी उमारिएको जमरा दशमीका दिन टीका लगाउँदा जमरा राखिदिने चलन छ । घटस्थापनाको दिन राखेकोे जमरा टीका थाप्नेको टोपी भित्र, टाउकोमा कपालभित्र वा कानमा आशिर्वाद दिँदै राखिन्छ । जमरामा प्राकृतिक विभिन्न गुण हुने र यसका साथै नौ दिन पूजा गरिएकाले यो नौदेवीको पूजाको प्रसादको रुपमा पनि प्रयोग गरिन्छ । जमराको रंग पहेलो हुन्छ, पहेलो रंग शक्ति र शान्तिको प्रतिक मानिन्छ ।

कसरी राख्ने जमरा

– जमरा उमार्नका लागि शुद्ध र अध्यारो ठाउँको बनाउनुहोस् ।
– जौ, गहुँ, धान, माकैको बिउ लिनुहोस् ।
– सबैभन्दा पहिला जौंको बिजलाई एक भाँडामा आठ देखि दश घण्टासम्म पानीमा भिजाएर राख्नुहोस् ।
– अब कुनै गमला वा टपरीमा थोरै माटो राख्नुहोस् ।
– टपरी वा गमलामा तपाईँले छनौट गर्नु भएको बिउ राख्नुहोस् ।
– टपारी वा गमलालाई अध्याँरो कोठामा राख्नुहोस् ।
– हरेक दिन पानी हाल्नुपर्छ । यसलाई घामको सोझो सम्पर्कमा राख्नु हुँदैन ।

(विष्णुप्रसाद पोखरेलसँग गरिएको कुराकानीमा आधारित, उनी वेद विद्याश्रमका प्राचार्य हुन्)



...
दसैंमा घुम्न कहाँ जाने ? यी हुन् १० गन्तव्य « Mero LifeStyle

[…] […]

...
दशैंमा पूजिने नवदुर्गाका नौ रुप « Mero LifeStyle

[…] […]

Leave a Reply

Your email address will not be published. Required fields are marked *

सम्बन्धित खबरहरु

महिला हिंसा अन्त्य गर्नपर्छ भन्ने नारा हामीले प्राय सुनिरहेका हुन्छौ । यो विषयमा चर्चा हुन थालेको लामो समय भईसक्यो ।

राप्रपा अध्यक्ष पशुपति शमशेर जबराले पार्टीको हितका लागि आफूले नेतृत्वको दाबी छोडेको जानकारी दिएका छन् ।  काठमाडौंमा बुधबारबाट सुरु भएको

स्वास्थ्य तथा जनसङ्ख्या मन्त्रालयले अत्यावश्यक कामबाहेक विदेश भ्रमण नगर्न अपिल गरेको छ । कोभिड–१९ को ओमिक्रोन भेरियन्टको सङ्क्रमणलाई दृष्टिगत गर्दै

राप्रपा अध्यक्ष डा प्रकाशचन्द्र लोहनीले हिन्दु र बौद्ध धर्म जोगाएर प्रवर्द्धन गर्दै अघि बढ्ने हो भने नेपाललाई विश्वकै तीर्थस्थल बनाउन सकिने