असोज १० गतेबाट अग्रिम टिकट बुकिङ खुल्ने, कहाँ–कहाँबाट लिन पाइन्छ ?



दशैंका लागि अग्रिम टिकट बुकिङ असोज १० गतेबाट खुल्ने भएको छ । दशंै, तिहार, छठलगायत चाडपर्वमा घर जान चाहने नागारिकलाई लक्षित गरी अग्रिम बुकिङ खुला गर्न लागिएको यातायात व्यवसायी महासंघका वरिष्ठ उपाध्यक्ष भरत तिमिल्सिनाले जानकारी दिए ।

कोरोना महामारीको कारण गत वर्ष सरकारले अग्रिम टिकट बुकिङ खुल्ला गरेको थिएन । अग्रिम टिकट खुल्ला नगर्दा दशैंमा सार्वजनिक सवारीमा हुने भीडभाडको मौका छोपी बढी भाडा लिएर यात्रू ठगिएका थिए । तर, यो वर्ष जोखिम कायमैै रहे पनि टिकट बुकिङ खुल्न लागेको हो ।

नयाँ बसपार्क र तोकिएको टिकट काउन्टरमा टिकट लिने यात्रुहरुको भिडभाडलाई व्यवस्थापन गर्न अनलाइन टिकटको व्यवस्था गरिएको छ । यसका साथै भिड व्यवस्थापन गर्न सुरक्षाकर्मी, ट्राफिक प्रहरी लगायत सम्बन्धित निकायलाई पनि पत्रचार गरिएको तिमिल्सिनाले जनाए । ‘अनलाइन टिकट काट्दा आफू जाने स्थान र यातायातको हेक्का गरेर टिकट बुकिङ गर्न सकिन्छ,’ उनले भने, ‘यदि अनलाइन बुकिङ गर्न सम्भव नभएमा तोकिएको काउन्टरमा गएर टिकट लिन सकिन्छ ।’


रोजगार तथा अध्ययनका लागि काठमाडौं उपत्यकामा बसोबास गर्ने मानिसहरुको संख्या उच्च छ । स्वभावैले चाडबाडमा घर फर्कनेको लर्को लामो लाग्छ । यद्यपि, यो वर्ष विद्यार्थीको संख्या न्युन रहेकाले टिकट लिनेको भिडभाड कम हुने तिमिल्सिनाको अनुमान छ । ‘विद्यालयहरु संचालनमा नआएकाले यो वर्ष उपत्यकाबाट बाहिरिनेको संख्या केही कम हुने अनुमान छ । दुई–तीन दिन टिकट बुकिङका लागि भिड भएपनि त्यसलाई व्यवस्थापन गर्नेछौँ,’ तिमिल्सिनाले भने, ‘यात्रुलाई झन्झट बिना टिकट उपलब्ध गराउन सम्बन्धित निकायलाई निर्देशन गरेका छाँै ।’


यात्रुलाई सजिलै टिकट उपलब्ध गराउनका लागि टिकट काउन्टर र आवश्यक जनशक्ति तयार भइसकेको लोट्से बहुउदेश्यीय प्रा.लिका एचआर म्यानेजर पंकज मल्लले जनाए । ‘बसको टिकट काउन्टर बिहान ५ बजेदखि साँझ ६ बजेसम्म खुल्छ तर राति ३ बजेदेखि लाइनमा बसेका हुन्छन्, जसकरणले भिडाभाड हुन्छ नै,’ मल्लले भने ‘यसलाई व्यवस्थापन गर्न अनलाइन टिकट बुकिङको व्यवस्था गरेका छौं ।’


चाडपर्वमा उपत्यकाको सडकमा सवारीको चाप बढ्छ । चापलाई व्यवस्थापन गर्नका लागि हालसम्म कुनै आदेश नआएको ट्राफिक प्रहरी महाशाखाका प्रवक्ता एसपी सञ्जिव शर्मा दासले बताए । ‘दशैंका लागि भनेर हालसम्म कुनै आदेश आएको छैन तर, हामी तयार छौ,’ उनले भने ।


कहाँ–कहाँबाट लिन सकिन्छ टिकट ?


सुरक्षित र भरपर्दो यात्राका लागि तोकिएका टिकट काउन्टर र परिचयपत्र भिरेका कर्मचारीमार्फत मात्र टिकट लिन तिमिल्सिनाले अग्रह गरे । काठमाडौँबाट पूर्व झापासम्मको यात्राका लागि नयाँ बसपार्क, गौशाला, कोेटेश्वर, कलंकी र स्वयम्भूको टिकट काउन्टरबाट अग्रिम टिकट बुकिङ गर्न सकिनेछ । यसैगरी नारायणगढ हुँदै पश्चिम महेन्द्रनगरसम्म जाने सवारीसाधनका लागि नयाँ बसपार्क र सुन्धाराको टिकट काउन्टरबाट अग्रिम टिकट बुकिङ गर्न सकिने व्यवस्था गरिएको छ ।



...
सुपथ मुल्यका पसल चाडबाडमा मात्र लक्षित किन ? « Mero LifeStyle

[…] […]

Leave a Reply

Your email address will not be published. Required fields are marked *

सम्बन्धित खबरहरु

कमेडी च्याम्पियन २ का विजेता भरतमणि पौडेलले पूर्वयुवराज पारस शाहसँग भेट गरेका छन् । दुवैबीच एक घन्टा कुराकानी भएको थियो

पाल्पा ढाका कपडाले प्रसिद्ध जिल्ला हो । यहाँ आउने जो–कोहीले पनि ढाका कपडाबाट उत्पादित सामान कोसेलीका रुपमा अन्यत्र लैजाने गर्छन्

कोभिड- १९ विरुद्धको एस्ट्राजेनेका खोपको दोस्रो मात्रा आज मंगलबारदेखि काठमाडौं जिल्लामा लगाइँदैछ । काठमाडौं महानगरपालिका तथा कीर्तिपुर, चन्द्रागिरि, नागार्जुन, कागेश्वरी

मंगलबार बिहान काठमाडौं उपत्यकासहित देशका विभिन्न क्षेत्रमा बदली रहेको छ । दिउँसो देशका थोरै स्थानमा  हल्का वर्षाको सम्भावना रहेको मौसम