मैत्रीपूर्ण फुटबलमा नेपाल भारतसँग २–१ ले पराजित
भारतविरुद्धको दोस्रो मैत्रीपूर्ण फुटबलमा नेपाल २–१ गोल अन्तरले पराजित भएको छ । आइतबार साँझ दशरथ रंगशालामा भएको खेलमा भारतले नेपालमाथि २–१ गोलअन्तरले जित निकालेको हो ।
भारतलाई जित दिलाउन ६३ औं मिनेटमा फारुख चौधरी र ८० औं मिनेटमा कप्तान सुनील क्षेत्रीले गोल गरेका थिए । साथै, नेपालका तेज तामाङले ८६ औं मिनेटमा गोल फर्काएका थिए । उनले डिबक्स बाहिरबाट उत्कृष्ट गोल गरेका हुन् । यसअघि बिहिबार भएको मैत्रीपूर्ण खेलमा १–१ बराबरीमा रोकिएको थियो ।
माल्दिभ्समा अक्टोबरमा हुने साफ च्याम्पियनसिपको तयारीका लागि उक्त खेल आयोजना भएको थियो । नेपाली टिम सोही तयारी गर्न केही दिनमा कतार जाँदैछ । त्यहाँ २ हप्ता अभ्यास गरेपछि टिम उतैबाट माल्दिभ्स प्रस्थान हुनेछ ।
यो पनि पढ्नुहोस् :
मैत्रीपूर्ण फुटबल : नेपाली टोली उत्साहित, के होला आजको नतिजा ?
