कोरोना अपडेटः एकैदिन ३२६० मा कोरोना, २२९४ जना निको
नेपालमा थप ३ हजार २ सय ६० जनामा कोरोना भाइरसको संक्रमण पुष्टि भएको छ । स्वास्थ्य तथा जनसंख्या मन्त्रालयका अनुसार १५ हजार ४ सय ६२ वटा नमुना परीक्षण गरिएको मध्ये ३ हजार २ सय ६० जनामा संक्रमण पुष्टि भएको हो ।
यसैगरी, २ हजार २ सय ९४ जना संक्रमणमुक्त भएका छन् । योसँगै नेपालमा संक्रमणमुक्त हुनेको संख्या ६ लाख ७७ हजार ३ सय ७७ पुगेको छ । पछिल्लो २४ घण्टामा कोरोना संक्रमणबाट ३२ जनाको मृत्यु भएको छ । हालसम्म कोरोना संक्रमणका कारण १० हजार २ सय १२ जनाले ज्यान गुमाएका छन् ।
देशभर ३८ हजार १ सय ८० सक्रिय संक्रमित रहेका छन् । जसमध्ये, ७ सय ३७ जनाको आईसीयु र १ सय ८३ जनाको भेन्टिलेटरमा उपचार भइरहेको छ । ३ हजार ३ सय ४२ जना संस्थागत आइसोलेसनमा छन् भने ३४ हजार ८ सय ३८ होम आइसोलेसनमा छन् ।
यो पनि पढ्नुहोस् ।
एकैदिन ३४८१ मा कोरोना, १८८५ जना निको
नेपालमा कोरोनाको तेस्रो लहर आउने आशंका ! के छ सरकारको तयारी ?
असोजसम्म थप १ करोड ५ लाख खोप आउने, असोजमै कोरोनाको तेस्रो लहर फैलिन सक्ने
