यस्ता हुन्छन् डेंगुका लक्षण, कसरी बच्ने ?

एडिस जातिको संक्रमित पोथी लामखुट्टेको टोकाईबाट डेंगु सर्छ । वर्षायाम सुरु भएसँगै डेँगुको जोखिम ह्वात्तै बढेको चिकित्सकहरु बताउँछन् । त्यसैले सामान्य हेलचेक्राईँले गर्दा डेंगुले ज्यानै समेत लिन सक्दछ । त्यसो त डेँगुका लक्षणहरु के के हुन् र यसबाट कसरी बच्ने ? भन्ने बारे शुक्रराज ट्रपिकल तथा सरुवा रोग अस्पतालका निर्देशक तथा सरुवा रोग विशेषज्ञ डा. अनुप बास्तोलाको दिएको सुझाव यस्तो छ :

लक्षण :

– एक्कासी ज्वरो आउने
– आँखाको गेडी वा पछिल्लो भाग दुख्ने
– अत्याधिक टाउको दुख्ने
– मांसपेशी तथा जोर्नी दुख्ने
– वाकवाकी लाग्ने बान्ता हुने
– थकान महसुस हुने
– आफ्नो दैनीकी, खानपान वा अन्य कुरामा रुचि नलाग्ने
– रक्तश्राव हुने
– शरीरमा बिमिरा आउने
– शरीरमा रगत जमेको दागहरु देखिने

बच्ने उपाय:

– लामखुट्टेको टोकाईबाट बच्न पूरा शरीर ढाक्ने कपडा लगाउने ।
– घर वरपरको सरसफाईमा विशेष ध्यान दिने
– घरवरपर पानी जम्ने खाल्डाखुल्डी जम्ने ठाउँ छ भने ती ठाउँहरु पुर्ने ।
– खाली भाँडाकुडा घोप्टाएर राख्ने ।
– पानीको टयाङ्की पुरै खाली गरेर सफा गर्ने ।
– सुत्ने बेला झुलको प्रयोग गर्ने ।
– घरभित्र कीटनाशक झोल छर्ने, पानीको स्रोत ढाक्ने ।
– पानीको मुहान वरिपरि तारजाली लगाउने र फोहोर हुन नदिने ।