थप ३ हजार ७ जना कोरोना संक्रमण मुक्त
नेपालमा गत २४ घण्टामा थप ३ हजार ७ जना कोरोना संक्रमण मुक्त भएका छन् । योसँगै नेपालमा कोरोना संक्रमण मुक्त हुनेको कुल संख्या ५ लाख ८४ हजार ३ सय ३४ पुगेको छ ।
त्यस्तै पछिल्लो २४ घण्टामा नेपालमा कोरोना संक्रमणबाट थप ३४ जनाको निधन भएको छ । योसँगै नेपालमा कोरोना संक्रमणबाट निधन हुनेको कुल संख्या ९ हजार ९ पुगेको स्वास्थ्य तथा जनसंख्या मन्त्रालयले जनाएको छ ।
त्यस्तै नेपालमा कोरोना पछिल्लो २४ घण्टामा १ हजार ९ सय २० जनामा कोरोना संक्रमण पुष्टि भएको छ । योसँगै नेपालमा कोरोना संक्रमण पुष्टि भएकाको कुल संख्या ६ लाख ३३ हजार ६ सय ७९ आरटीपीसीआरबाट कोरोना पुष्टि भएको छ भने ३२ हजार ९८ जनाको एन्टिजेन विधिबाट परीक्षण गर्दा रिपोर्ट पोजेटिभ आएको छ ।
