दीपक–दीपाको सिनेमा हल आजैदेखि दर्शकका लागि खुला (फोटो फिचर)
कलाकारद्वय दीपकराज गिरी र दीपाश्री निरौलाले बानेश्वरस्थित एनबी सेन्टरमा आइएनआइ सिनेमाको फ्रेन्चाइज अन्तर्गत सिनेमा हल सञ्चालनमा ल्याएका छन् । शुक्रबार बिहान उद्योग वाणिज्य महासंघका अध्यक्ष चन्द्र ढकाल र वरिष्ठ कलाकारहरूको उपस्थितिमा हलको उद्घाटन गरिएको हो ।
उद्घाटन कार्यक्रममा दीपकराज गिरीले फिल्म चलाएर आम्दानी हुने रकमको पचास प्रतिशत निर्मातालाई दिने बताएका छन् । अन्य हलले ४० प्रतिशत सेयर दिँदै आएका छन् ।
उद्घाटन समारोहमा नेपालका चलचित्रकर्मीहरू मनोज पण्डित, गौरी शंकर धुजु, कृषा चौलागाईं, नरेन्द्र महर्जन, गोपाल कायस्थ, जितु नेपाल, सम्झना उप्रेती रौनियार लगायतको उपस्थिति रहेको थियो ।
४ सय सिट क्षमता भएको दुइटा अडिटोरियम हल छन् । शुक्रबारदेखि नेपाली फिल्म ‘एक भागवत र एक गीता’ र ‘नांगो गाउँ’ प्रदर्शनसँगै हल सञ्चालनमा ल्याइएको हो । हलमा बलिउड फिल्म ‘जवान’ र हलिउड फिल्म ‘द नन २’ पनि प्रदर्शन भइरहेको छ ।
दीपक र दीपाले सिनेमा हल निर्माणका लागि १० करोड रुपैयाँ खर्चिएको बताउँदै आएका छन् ।
तस्बिर : विकास रौनियार
यो पनि…
‘नाङ्गो गाउँ’ को प्रिमियर शोमा कलाकार (फोटो फिचर)
‘ह्यारी की प्यारी हेर्न’ पुगेका सेलिब्रिटी
