एकैथलोमा कविताका तीन पुस्ता

कविहरुका तीनै पुस्तालाई एउटै मञ्चमा विरलै हेर्न सुन्न पाइन्छ । तर गत शनिबार काठमाण्डौंस्थित सर्वनाम थिएटरमा आयोजित समारोह कवितामा तीन पुस्ताले यो महत्वपूर्ण अवसर जुराइदिएको थियो । तीन पुस्ते वाचक थिए विश्वविमोहन श्रेष्ठ, अनिता लामा र मौन आवाज । ‘केही समय कविताका लागि बाँचौँ’ भन्ने नारासहित सुरु भएको कवितामा तीन पुस्ताको यो श्रृंखला हरेक दुई महिनामा एकपटक हुने गर्छ । यसअघि यस्ता श्रृङ्खला दुईपटक आयोजित भइसकेका छन् ।

पछिल्लोसमय काठमाडौंमा कविता सुनिन छाडिएको र एक पुस्ता अर्को पुस्तासम्म पुग्न नसकेको अवस्थामा कविता र कविलाई सँगसँगै डो¥याउने उद्देश्यले यस्तो कार्यक्रमको आयोजना थालिएको संयोजक बाबु त्रिपाठीले बताए । यसलाई दर्शकले आफ्नै श्रृङ्खला सम्झेर सुनिदिन पनि उनको आग्रह थियो ।

यसको पहिलो श्रृङ्खलामा कवि दिनेश अधिकारी, श्रवण मुकारुङ र रञ्जना निरौलाले कविता बाचन गरेका थिए । दोस्रोमा कवि स्नेह सायमी, ज्योति जङ्गल र हेमन्त शिशिरको प्रस्तुति रहेको थियो भने पछिल्लोमा कवि श्रेष्ठ, लामा र मौन आवाजले कविता बाचन गरेका हुन् ।