ओरोलो लाग्यो सेयर बजार
सेयर बजार साताको अन्तिम दिन ओरालो लागेको छ । आज नेप्से सूचक १९.९७ अंकले घटेर २३५६.२० विन्दुमा अडिएको छ । अघिल्लो दिन बुधबार नेप्सेमा झिनो अंकको सुधार देखिएको थियो । उक्त सुधारले बिहीबार निरन्तरता लिन सकेन । सूचक तल झर्दा कारोबार रकम भने केही बढेको छ । करिब डेढ अर्ब रुपैयाँको सेयर कारोबार भएको छ ।
लामो समयदेखि करेक्सनमा रहेको बजारमा सेयर भाउहरु समेत निकै सस्तो भइसकेको छ । मूल्य निकै तल्लो विन्दुमा आए पनि अपेक्षा अनुसार खरिदकर्ता आकर्षित हुन सकेका छैनन् । बैंकमा सहज तरलता उपलब्ध नभएकाले सेयर बजारमा आकर्षण बढ्न नसकेको अनुमान गरिएको छ ।
यो पनि…
फलफूलमा यसरी बन्न सकिन्छ आत्मनिर्भर
खेतबारी बाँझै, ११ अर्बको फलफूल आयात
