आइपिएल : कसको जित, कसको हार ?
इन्डियन प्रिमियर लिग (आइपिएल) टी–ट्वान्टी क्रिकेटमा नयाँ टोली गुजरात टाइटन्सले सानदार सुरुवात गरेको छ । सोमबारको खेलमा आइपिएलमा सहभागी अर्को नयाँ टोली लखनउ सुपर जाइन्टलाई पाँच विकेटले हराउँदै गुजरातले सानदार सुरुवात गरेको हो ।
सोमबार वान्खडे स्टेडियममा लखनउले दिएको १ सय ५९ रनको लक्ष्य पूरा गरेको हो । गुजरातले १९ ओभर ४ बलमा ५ विकेट गुमाएर लक्ष्य पूरा गरेको हो । गुजरातका लागि राहुल टेवाटियाले सर्वाधिक ४० रन बनाए ।
कप्तान हार्दिक पान्डय ३, डेभिड मिलर र म्याथ्यु वेडले ३०–३० रन बनाउँदा अभिनव मनोहरले अविजित १५ रन जोडे । लखनउका दुश्मन्था चामिराले २ विकेट हातपारे । पहिलो ब्याटिङ गरेको लखनउले २० ओभरमा ६ विकेट गुमाएर १ सय ५८ रन जोडेको थियो ।
लखनउका लागि दीपक होडा ५५ रन र आयुस बाडोनी ५४ रनको अर्धशतकीय इनिङ्स खेल्दा कुर्नाल पाण्डले अविजित २१ रन बनाए । गुजरातका मोहमद शामीले ३ तथा आरोन ब्ररुणले २ विकेट लिए । जितसँगै नयाँ टिम गुजरातले दुई अंक जोडेको छ ।
यो पनि….
आइपिएल : पञ्जाबको जित, विराट कोहलीको कति रन ?
आइपिएल : दिल्लीको सानदार जित
आइपिएल : कोलकाताको जितमा यी खेलाडीको उत्कृष्ट प्रदर्शन
