इङ्ल्यान्डद्वारा न्युजिल्यान्ड १ विकेटले पराजित
महिला एकदिवसीय विश्वकप क्रिकेटमा इङ्ल्यान्डले न्युजिल्यान्डमाथि १ विकेटको रोमाञ्चक जित हात पारेको छ ।
टस हारेर ब्याटिङ गरेको न्युजिल्यान्डले २०३ रन बनाएको थियो । जवाफमा इङल्यान्डले ४७.२ ओभरमा ९ विकेट गुमाउँदै लक्ष्य पूरा गर्यो ।
इंग्ल्यान्डको जितमा मध्यक्रमकी ब्याटर नाट सेभरले १०८ बलमा ५ चौकासहित सर्वाधिक ६१ रनको योगदान दिइन् । सोफिया डंकले ३३, कप्तान हेथर नाइट ४२ र ट्यामी ब्युमोन्टेले २५ रन जोडिन् ।
न्युजिल्यान्डकी फ्रान्सिस म्याकेले ९ ओभरमा ३४ रन खर्चेर ४ विकेट लिइन् । जेस केरले २ विकेट लिइन् ।
त्यसअघि, न्युजिल्यान्ड ४८.५ ओभरमा २०३ रनमा अल आउट भएको थियो । न्युजिल्यान्डकी म्याडी ग्रिनले ७५ बलमा ४ चौका र १ छक्कासहित ५२ रनमा अविजित रहिन् । कप्तान शोफी डेविन ४२, सुजी बेट्स २२, अमेला केर र एमी सेटरवेथ २४–२४ रनमा आउट भइन् ।
इंग्ल्यान्डकी केट क्रस र सोफी एक्टेस्टोनले ३–३ विकेट लिइन् । चार्ली डीनले २ विकेट लिइन् ।
इंग्ल्यान्ड ५ खेलमा २ मा जित र ३ मा हारसहित पाँचौं स्थानमा छ । इङ्ल्यान्डले यो जित सहित सेमिफाइनल पुग्ने सम्भावनालाई कायम राखेको छ । चौथो हारपछि घरेलु टोली न्युजिल्यान्ड भने समूह चरणबाटै बाहिरिएको छ ।
यो पनि
क्रिकेट : अफ्रिकी भूमिमा बंगलादेशको ऐतिहासिक जित
विश्वकप लिग–२ः युएईसँग नेपाल पराजित
