पोखरा अन्तर्राष्ट्रिय विमानस्थल : निर्माण अन्तिम चरणमा, व्यवस्थापन भद्रगोल

निर्माणाधीन पोखरा अन्तर्राष्ट्रिय विमानस्थलको काम लगभग अन्तिम चरणमा छ । हालसम्म ९३ प्रतिशत काम सकिसकेको छ । चीनको एक्जिम बैंकको ऋण सहयोगमा विमानस्थल चिनियाँ कम्पनीले नै बनाइरहेको छ ।

नागरिक उड्डयन प्राधिकरण पोखराले विमानस्थलको प्रमाणीकरणका लागि आसयपत्र समेत पठाइसकेको छ ।

केही महिनाअघि विमानस्थल बाहिरका समस्याबारे सूची बनाएर तीनवटै सरकारलाई थमाइएको छ । तर, अहिलेसम्म ती समस्याबारे कुनै निकास निस्किएको छैन । त्यसो त संसदीय समितिले नै यसबारे चासो देखाएको थियो । समितिले समस्या समाधानका लागि निर्देशन दिएर हिँड्यो, समस्या जहाँको त्यहीँ छ ।

‘अहिलेको ल्यान्डफिलमा चराको आवतजावत निकै धेरै छ । उनीहरूको आनीबानी तत्काल फर्ने पनि सकिँदैन,’ प्राधिकरण पोखराका प्रमुख विक्रम गौतमले भने, ‘अहिलेको अवस्थामा विमानस्थललाई सबैभन्दा बढी जोखिम ल्यान्डफिलमाथि उड्ने चराको हो । ल्यान्डफिल हटाउनुपर्छ ।’

विमानस्थलका मुख्य समस्यामध्ये ल्याण्डफिल साइट हटाउनुपर्छ । विमानस्थलको उडान रुटमा पर्ने पोखराको ल्यान्डफिल हटाउन तीन वर्षदेखि पत्र आदान प्रदान भइरहेको छ ।

तर, पोखराले नयाँ जग्गा खोज्न सकेको छैन । ‘अहिलेको ल्यान्डफिलमा चराको आवतजावत निकै धेरै छ । उनीहरूको आनीबानी तत्काल फर्ने पनि सकिँदैन,’ प्राधिकरण पोखराका प्रमुख विक्रम गौतमले भने, ‘अहिलेको अवस्थामा विमानस्थललाई सबैभन्दा बढी जोखिम ल्यान्डफिलमाथि उड्ने चराको हो । ल्यान्डफिल हटाउनुपर्छ ।’ यसबाहेक विजयपुर खोलाको सरसफाइमा पनि विमानस्थलले ध्यान दिनुपर्नेछ ।

उडान हुनुअघि लेखनाथस्थित रिठ्ठेपानीको डाँडा काट्नुपर्छ । त्यसका लागि १०/१५ दिनमा इआईए सुरु हुने र १४ मिटर काट्ने वित्तिकै क्यालिब्रेसन उडान गर्न सकिने आयोजना प्रमुख विनेश मुनन्कर्मी बताउँछन् ।

‘क्यालिब्रेसन फ्लाइट वैशाखमा गर्न सकिएन भने परीक्षणका लागि असोज कुर्नुपर्छ,’ उनले भने, ‘वैशाख कटाउनु हुँदैन भन्ने हाम्रो सोंच हो । तर, बाह्य समस्याहरू हल हुन सकेको छैन । अन्योल कायम छ ।’

विमानस्थलमा ह्यांगर र हेलिप्याड निर्माण गर्न थप चार सय रोपनी जग्गा चाहिने उनको भनाइ छ । त्यसका लागि संघ सरकारलाई पत्र पठाइएको छ ।

विमानस्थलमा पस्ने पोखराको भलबाढी कटाउन संघ सरकारले बाइपास व्यवस्थापन अघि बढाएको छ । ३४ करोड लागतका काम अघि बढेको विमानस्थलले जनाएको छ । महानगरका मेयर मानबहादुर जिसीले विमानस्थल पोखरा र देशकै गौरवको योजना भएकोले जतिसक्दो छिटो सञ्चालनमा ल्याउन आफू प्रतिबद्ध रहेको बताए ।

राख्न भएन । जति छिटो चलायो, उति छिटो ऋण तिर्न सकिन्छ,’ उनले भने, ‘महानगरले ल्यान्डफिल लगभग खोजिसकेको छ । नगरभित्रका पहुँच मार्ग निर्माण गरिरहेको छ

‘यति धेरै ऋण लिएर बनाएको एयरपोर्ट त्यसै राख्न भएन । जति छिटो चलायो, उति छिटो ऋण तिर्न सकिन्छ,’ उनले भने, ‘महानगरले ल्यान्डफिल लगभग खोजिसकेको छ । नगरभित्रका पहुँच मार्ग निर्माण गरिरहेको छ ।’ यसअघि, निर्णय भएको ठाउँमा स्थानीयको अवरोधले सार्न नमिलेको महानगरले जनाएको छ ।

अहिले विमानस्थलमा डेकोरेसन, फिनिसिङ र भलपानी, बाढी व्यवस्थापनको काम भइहेको छ । उडान सञ्चालनका लागि प्रदेश सरकारले नागरिक उड्डयन प्राधिकरणसँग मिलेर नेपालमा उडान भरिरहेका हवाइ कम्पनीसँग छलफलको आयोजना गर्दै छ ।

चौतर्फी समस्या रहेको र समाधानमा चासो नदेखाएपछि प्रदेश सरकारले सरोकारवालासँग छलफल गरेर निकास खोजेको छ । मुख्यमन्त्री कृष्णचन्द्र नेपाली पोखरेलले आफ्नो जिम्मामा परेको काम तत्काल शुरु गर्न निर्देशन दिए ।

यसले पोखरालाई मात्र फाइदा हुँदैन । प्रदेश र देशलाई समेत फाइदा हुन्छ । त्यसैले, समस्या समाधानमा सबै जुटौँ,’ उनले भने, ‘म फलानो सरकार भनेर नबसौँ, हामी एउटै देशभित्रका हौँ ।’

‘यसले पोखरालाई मात्र फाइदा हुँदैन । प्रदेश र देशलाई समेत फाइदा हुन्छ । त्यसैले, समस्या समाधानमा सबै जुटौँ,’ उनले भने, ‘म फलानो सरकार भनेर नबसौँ, हामी एउटै देशभित्रका हौँ ।’ विमानस्थलभित्र इन्धन डिपोसमेत निर्माण हुन सकेको छैन भने सुरक्षाका लागि आवश्यक भवनहरू बनेका छैनन् ।

यो पनि
अन्तर्राष्ट्रिय उडानका लागि तयार छ, गौतमबुद्ध विमानस्थल
पोखरामा विमानस्थल बन्यो, अब प्याराग्लाइडिङको चिन्ता