ट्राफिक र विमानबाट निस्किने आवाज मुटुका लागि खतरनाक !
ध्वनि प्रदूषणले पनि हृदयलाई घात पुर्याउँछ । तीव्र गतिले निस्किएको स्वरले हार्टमा समस्या ल्याइरहेको छ । यूरोपियन हार्ट जर्नलमा पब्लिश रिसर्चमा लामो समयसम्म ट्राफिकले निकाल्ने आवाज सुनियो भनेँ हृदय रोगको शिकार बनिन्छ ।
५०० मानिसमा ५ वर्षसम्म भयो अध्ययन
ट्राफिक र हवाई जहाजबाट निस्किएको आवाजबाट हुने असर पत्ता लगाउनका लागि सडक र एयरपोर्टको नजिक रहेका मानिसमा ५ वर्षसम्म रिसर्च भएको छ । रिसर्चमा ५०० जनालाई सहभागी गराइएको थियो । शोधकर्ताहरुले यसमा औसतमा २४ घण्टामा स्वरको स्तर ५ डेसिबल बढाउँदा हार्ट अट्याक र स्ट्रोकको खतरा ३५ प्रतिशतले बढेको पाइएको हो ।
यस्तो किन हुन्छ ?
रिसर्चमा सामेल मानिसलाई यसले के असर गरिरहेको छ ? यो पत्ता लगाउनका लागि उनीहरुको ब्रेन स्क्यानिङ गरिएको थियो । रिपोर्टमा आवाज बढाएका कारण उनीहरुको ब्रेनको तनाव, दुख र डरलाई कन्ट्रोल गर्ने भागमा असर गरेको पाइयो । जब तनाव र दुख बढ्छ तब शरीर त्योसँग लड्नको लागि एड्रिनेलिन र कार्टिसोल जस्ता स्ट्रेस हर्मोन रिलीज गर्दछ । तनाव र दुखको स्थितीमा ब्लड प्रेशर बढ्छ । पाचन क्षमता कम हुन्छ, शरीरमा फ्याट र सुगरको सर्कुलेशन तीव्र हुन्छ, यसको असर हार्टमा पर्दछ । ध्वनी प्रदूषणले निन्द्रालाई पनि असर गर्दछ ।
यति चाहिन्छ ध्वनि
ध्वनि अर्थात् साउण्डलाई डेसिबलमा मापन गरिन्छ । विश्व स्वास्थ्य संगठनका अनुसार ५५ डेसिबल भन्दा धेरै ध्वनिको स्तर आवाज पैदा गर्दछ र स्वास्थ्यलाई नोक्शान पुर्याउँछ । कार र ट्रकबाट करिव ७० देखि ९० डेसिबल आवाज निस्किन्छ । त्यस्तै साइरन, हवाई जहाजबाट १२० डेसिबल भन्दा धेरै ध्वनि प्रदूषण हुन्छ ।
reputable canadian pharmacy
buy prescriptions online