भक्तपुरमा भेटियो बर्डफ्लु
भक्तपुरमा बर्डफ्लु भेटिएको छ । जिल्लाको सूर्यविनायक नगरपालिका वडा नं.१० मा अवस्थित तीन वटा पोल्ट्री फार्महरूका कुखुरामा बर्डफ्लु भेटिएका हुन् । केन्द्रीय पशुपन्छी रोग अन्वेषण प्रयोगशाला त्रिपुरेश्वरले ती पोल्टी फर्ममा मरेका कुखुरामा वर्डफ्लु भेटिएको पुष्टि गरेको हो ।
पाइला अग्रिकल्चरल फार्म, शिखर पोल्ट्री फार्म र अजिमा पोल्ट्री फार्ममा रहेका मरेका कुखुरामा वर्डफ्लु भेटिएको पुष्टी भएको हो । यहाँं रहेका हजारौं कुखुरा बुधबार राति मरेका थिए । पछि ती मेरेका कुखुराको टेष्टका लागि लगिएको थियो ।
प्रयोगशालाका अनुसार ती फार्मका कुखुरामा एच पी वानको सवटाइप एफ फाइभ एफ वान भाइरस देखा परेको हो । वर्डफ्लु भेटिएको पुष्टि भएसँगै जिल्ला प्रशासन कार्यालय भक्तपुरमा आइतबार नै बसेको सुरक्षा समितिको बैठकले वर्डफ्लु भेटिएका फार्मका पन्छी र पन्छीजन्य वस्तु नष्ट गर्ने निर्णय गरेको छ ।
समितिले सूर्यविनायक नगरपालिकाको वडा नं.१० स्थित पूर्वमा अजिमा इँटा उद्योगसँगै अरनिको राजमार्ग जाने सडक, पश्चिममा शिखर पोल्ट्री फार्मसँगै रहेको बाटो, दक्षिणमा अरनिको राजमार्गको उत्तरी सिमाना र उत्तरमा पानी टंकी जाने बाटोको चार किलाभित्रको पन्छी तथा पन्छीजन्य वस्तुहरू दाना, सुली, अण्डालगायतका वस्तुहरू नष्ट गर्ने निर्णय गरेको हो ।
यो पनि
जताततै बर्डफ्लु, कुखुरा नष्ट
काठमाडौंमा बर्डफ्लू संक्रमण पुष्टि
