एनआरएनएले बोलायो केन्द्रीय समिति बैठक
गैर–आवासीय नेपाली संघ (एनआरएनए) ले केन्द्रीय समितिको बैठक बोलाएको छ । गैर–आवासीय नेपाली संघका महासचिव डा.हेम राज शर्माका अनुसार संघको ८२औं बैठक आगामी बुधबार (मार्च २ तारिख) भरर्चुअल माध्यमबाट बस्न लागेको हो ।
संघका अध्यक्ष कुमार पन्तको अध्यक्षतामा बस्ने सो बैठकको लागि महत्त्वपूर्ण एजेण्डाहरू प्रस्ताव गरिएको छ ।
बैठकमा गैर–आवासीय नेपाली संघको सदस्यता शुल्क नतिर्ने युके, अमेरिका, क्यानाडा र अष्ट्रेलिया राष्ट्रिय समितिहरू, महाधिवेशन प्रतिनिधि विवाद मिलाउन संघका पूर्वअध्यष शेष घलेको अध्यक्षतामा गठित उच्चस्तरीय समिति, संरक्षक परिषद् र निर्वाचन अनुगमन समिति, संघ र परराष्ट्र मन्त्रालयबीच रहेको अदालतको मुद्दा, रूस–युक्रेनबीचको युद्ध पीडित नेपालीहरूको उद्धार र संघको १०औं महाधिवेशन तयारीका सम्बन्धमा छलफल हुने भएको छ ।
गैर–आवासीय नेपाली संघको नयाँ नेतृत्वको लागि मार्च २१ र २२ तारिख निर्वाचन हुँदैछ ।
यो पनि…
रूस-युक्रेन द्वन्द्व : नेपालीको उद्धारका लागि उच्चस्तरीय संयन्त्र गठन
