बिहीबार रातिदेखि काठमाडौं उपत्यकासहित देशका विभिन्न भागमा वर्षा भइरहेको छ । यो क्रम रातभर रहने मौसमविद्को भनाइ छ ।
जल तथा मौसम विज्ञान विभागअन्तर्गतको मौसम पूर्वानुमान महाशाखाका मौसमविद् प्रतिभा मानन्धरका अनुसार पश्चिमी वायु सक्रिय देखिएकोले अहिले देशका अधिकांश स्थानमा वर्षा भइरहेको छ । उनका अनुसार दिउँसो जस्तै रातिको अवस्था हुने छ ।
देशभर हल्कादेखि मध्यम वर्षा र उच्च पहाडमा हिमपात भइरहेको छ । पश्चिमी वायुको प्रभावका कारण वर्षा र हिमपात भएको मौसमविद् मानन्धर बताउँछिन् । बिहीबार शुरु भएको मौसम बदली शनिबारबाट क्रमिक सुधार हुँदै जाने उनको अनुमान छ ।
सुदूरपश्चिम, कर्णाली, लुम्बिनी र गण्डकी प्रदेशमा सामान्यदेखि पूर्ण बदली भई केही स्थानहरूमा मेघगर्जन/चट्याङ/असिनासहित हल्कादेखि मध्यम वर्षा भइरहेको उनले बताइन् ।
काठमाडौं उपत्यकाको चन्द्रागिरि, शिवपुरी, फुल्चोकीलगायत डाँडामा हिमपात भएको छ । साथै, अधिकांश पहाडी तथा हिमाली भेगमा पनि हिउँ परेको मौसम पूर्वाअनुमान महाशाखाले जनाएको छ ।
काठमाडौं उपत्यकाको चन्द्रागिरि, शिवपुरी, फुल्चोकीलगायत डाँडामा हिमपात भएको छ । साथै, अधिकांश पहाडी तथा हिमाली भेगमा पनि हिउँ परेको मौसम पूर्वाअनुमान महाशाखाले जनाएको छ ।
शनिबार प्रदेश नं १, मधेस, बागमती र गण्डकी प्रदेशमा आंशिकदेखि सामान्य बदली रही अन्य प्रदेशमा आंशिक बदली रहने शाखाको पूर्वानुमान छ ।
प्रदेश नं १, मधेस, बागमती र गण्डकी प्रदेशका थोरै स्थानहरूमा तथा अन्य प्रदेशका पहाडी भूभागका एक–दुई स्थानमा हल्का वर्षाको सम्भावना रहेको मौसमविद् मानन्धरले बताइन् ।
देशका पूर्वी तथा मध्यभूभागका उच्च पहाडी तथा हिमाली भू–भागका थोरै स्थानहरूमा हल्का हिमपातको सम्भावनासमेत रहेको उनको अनुमान छ ।
शनिबार रातिबाट देशभर आंशिक बदलीदेखि मौसम सामान्यतया सफा रहने शाखाको अनुमान छ ।
यसैगरी, माघ २३ गते आइतबार दिउँसोबाट देशभर आंशिक बदलीदेखि मौसम सामान्यतया सफा रहने जनाएको छ ।
वायु प्रदूषण रोक्न विकसित मुलुकहरूले सवारी साधन, कलकारखाना, उद्योगलगायत विभिन्न क्षेत्रमा विशेष मापदण्डहरू तोकी एक्युआई अर्थात् एयर क्वालिटी इन्डेक्समा उत्तम
