कामना सेवाको खुद सञ्चालन आम्दानी १ अर्ब
कामना सेवा विकास बैंकले आर्थिक वर्ष २०७८–०७९ को दोस्रो त्रैमासिकसम्म १ अर्ब रूपैयाँ खुद सञ्चालन आम्दानी गरेको छ । बैंकले सोही वर्षको खुद सञ्चालन आम्दानीको तुलनामा २१ प्रतिशतको वृद्धि दरका साथमा करिब एक अर्ब आम्दानी गरेको हो ।
चालु त्रैमासिकसम्ममा (गत वर्ष करिब २० करोडको हाराहारीमा रहेको) शून्य गैरसञ्चालन आम्दानी भए पनि करपछिको नाफा (पीएटी) करिब १२ प्रतिशतले मात्रै घटेको छ । बैंकको निक्षेप ४८.९२ अरब पुगेको छ भने कर्जा ४४.९० अर्ब पुगेको छ, जुन तत्कालको आर्थिक वर्षको तुलनामा क्रमशः १०.६९% र १०.९८% ले बढेको हो ।
बैंकको पुँजी पर्याप्तता अनुपात १२.३२% कायम गरेको छ भने प्रतिसेयर आम्दानी २१.८७ रहेको छ । बैंकको हालको चुक्तापुँजी ३.१४ अर्ब र जगेडा कोषमा ९.६७ करोड रहेको छ ।
साथै, निष्क्रिय कर्जा अघिल्लो त्रैमासिकमा १.७९% रहेकोमा यस त्रैमासिकसम्ममा १.७७% मा घटेको छ । त्यस्तै, बैंकको पीई रेसियो २५.७४, प्रतिसेयर नेटवर्थ १३३.०२ र आधार दर ९.२७% छ ।
यो पनि
कामना सेवा विकास बैंक र नमस्ते पे बीच अनलाइन भुक्तानी साझेदारी
