बालबालिकाहरुलाई होमवर्क गराउँदा यी कुरामा ध्यान दिनुहोस्

कोरोना महामारीपछि बालबालिकाहरु अभिभावकसँगै बस्ने मौका पाएका छन् । यो समय अभिभावकले आफ्नो बालबच्चाको पढाईलाई नजिकबाट नियाल्ने मौका पनि हो । बालबालिकाको पढाई कस्तो छ ? केमा कमजोर छ ? इत्यादि कुरा बुझ्ने अवसर पनि हो ।

बालबालिकालाई होमवर्क गराउन अभिभावकका लागि चुनौती नै हुन्छ । कार्टुन, गेम, टिभी जस्ता विद्युतिय माध्यमले बालबालिकाहरूलाई होमवर्क गराउन समस्या भएको अभिभावकका गुनासो सुनिन्छन् । होमवर्क गर्न ढिलाइ गर्ने बित्तिकै अभिभावकले बालबालिकालाई हप्काउन पनि थाल्छन् । तर बच्चालाई कसरी होमवर्क गराउन सकिन्छ भनेर छुनामुना मन्टेश्वरीको प्रिन्सीपल कमला ढकाल अधिकारीको यस्तो छ सुझाब :

–बालबालिकाको पढाईका लागि अभिभावकले उनीहरुलाई समय दिने ।
–पढ्न वा होमवर्क गर्न नमानेमा उनीहरुलाई पढेपछि यस्तो हुन्छ भनेर कथाहरु सुनाउने, उनीहरुको साथीले गरेको काम सुनाउने ।
–विद्यालयबाट होमवर्क नदिए पनि उनीहरूलाई कथा तथा कविताका किताब पढ्न सिकाउने ।
–कार्टुन, गेम, टिभीको लागि बच्चाको लागि समय छुट्याई दिने ।
–होमवर्क गर्न ढिलाइ गर्ने बित्तिकै बालबालिकालाई हप्काउन, पिछ्ने नगरी उनीहरुलाई माया गरेर गर्न लगाउने ।
–पढ्ने स्थानको उचित व्यवस्था मिलाइ दिने । यसो गरियो भने उनीहरू एकाग्र भएर पढ्न सक्छन् ।
–बालबालिकाहरुलाई अध्यापनको समयमा आफूलाई पनि पढाइमा व्यस्त राख्नुपर्छ ।
–बालबालिकालाई अध्यापन गराउँदा खाना बनाउने, गफ गर्ने, टिभी हेर्ने, फोनमा कुराकानी नगर्ने ।
–बालबालिकाहरु पढ्दा उनीहरुसँगै आफू पनि बस्ने , यसरी गर्दा उनीहरुले पूरा ध्यान पढाइमा लगाउँछन् ।