गायक सरोज लामिछानेको ‘मेरो माया मुरीका मुरी’ बोलको गीत सार्वजनिक
काठ क्षेत्रका चर्चित गायक तथा सञ्चारकर्मी सरोज लामिछानेको ‘मेरो माया मुरीका मुरी’ बोलको लोकदोहोरी गीत सार्वजनिक भएको छ । काठ क्षेत्रमा चलनचल्तीका ठेट शब्द गीतसंगीतका माध्यमबाट उतार्न सक्ने क्षमता भएका गायक लामिछानेले उक्त गीत आफ्नै युट्युब च्यानलमार्फत सोमबार सार्वजनिक गरेका हुन् ।
गीतमा लामिछानेलाई गायिका मैंया थापामगरले साथ दिएकी छिन् । लामिछानेकै शब्द तथा संगीत रहेको गीतमा रामकृष्ण थापाले संगीत संयोजन गरेका छन् । अनामनगरस्थित वेभ स्टुडियोमा रकेर्ड गरिएको गीतलाई नरेन्द्र वियोगीले अडियो मिक्सिङ गरेका हुन् ।
गीतको भिडियोमा लामिछानेसँगै मोडल रिना थापामगर र गायक राजेश ढकालले अभिनय रहेको छ । बिराज फुयाँलले निर्देशन गरेको भिडियोलाई मेलम्ची–१३ फटकशिला सेरोफेरोमा कन्द्रित रहेर छायाँकन गरिएको छ । विरेन्द्र भट्टले छायाँकन गरेको भिडियोलाई सदिप घिमिरेले सम्पादन गरेका हुन् ।
गायक लामिछानेको बदम खाको सुन्तला छोडाको, हे मेरो सानु, सानुमाया हासेर बोल, बरको हाँगो, निर कमला, कोठा भाडा तिर्दिने मैले हो, दुई खोली दोभान लगायतका गीत हिट छन् ।
भिडियो :
