अभिनेत्री करिश्मा मानन्धरको ‘आउ न सङ्गी हो गाउँन मिलेर’ तीज गीत सार्वजनिक

अभिनेत्री करिश्मा मानन्धरले तीज गीत बजारमा ल्याएकी छिन् । उक्त गीत सोमबार करिश्मा मानन्धर युट्युब च्यानलमार्फत सार्वजनिक गरेकी हुन् । केबी फिल्म्सको प्रस्तुति रहेको सो गीतमा अभिनेत्री मानन्धर, सम्झना बुढाथोकी, क्षितिजा शाक्य, तेन्जु योन्जन, बशु तामाङ लगायतका कलाकारको अभिनय रहेको छ ।

गीतमा गायिका मेलिना राईको स्वर छ । गीतको शब्द लेखन गोविन्द राईले गरेका हुन् भने साज सिंहको संगीत रहेको छ । उनको संगीतलाई बाजागाजा हालेर प्राविधिक ढाँचा दिने अर्थात संगीत संयोजनको काम रुपम सिंह गुरुङले गरेका छन् । साथै, किशोर थापाले मिक्सिङ मास्टरिङ गरेका हुन् । यस गीतको भिडियोमा कलाकारहरुको शृङ्गार अर्थात मेकअप अशोक रोका र अटल मगरले गरेका छन् ।

यसैगरी, गोविन्द राईले नै भिडियोको कोरियोग्राफी तथा निर्देशन गरेका हुन् । कोरियोग्राफीमा उनलाई कृष्ण लिम्बुले सघाएका छन् । भिडियो निर्माणमा प्राविधिकदेखि आवश्यक वस्तुको व्यवस्थापन गर्ने अर्थात प्रोडक्सन म्यानेजिङको काम इश्वर घिमिरे र रामहरी डंगोलले गरेका छन् । यसैगरी मदन कश्यप घिमिरेले भिडियोलाई छायाँकन गरेका हुन् । उक्त भिडियोलाई नहकुल खड्काले सम्पादन गरेका छन् भने रङ संयोजन जुनिम गहतराजले गरेका हुन् ।

पछिल्लो समय तीजका गीतमा मौलिकता हराउँदै गएको भन्ने चौतर्फी गुनासो रहँदै आएको छ । त्यही मौलिकता हराउँदै गएको तीज गीतलाई जोगाउने उद्धेश्यले तीज गीत निर्माण गरेर बजारमा ल्याएको अभिनेत्री मानन्धर बताउँछिन् । ‘पछिल्लो समय मौलिक तीज गीत आउनै छाडे,’ उनी भन्छिन्, ‘तर, यो गीतमा आमदर्शक श्रोताले तीजको मौलिकता भेट्नुहुन्छ ।’

भिडियो