‘ड्रेस सेन्स’ भएका ६ नेपाली नायक
सेलिब्रेटी तब बनिन्छ जब उनीहरुले लगाएको, हिँडेको, बोलेको वा उनीहरुले गरेको कुनै पनि स्टाईलहरुलाई फ्यानले कपी गर्न थाल्छन् । आम मानिसहरुलाई धेरै किसिमका सेलिब्रेटीहरुले प्रभाव पारिरहेका हुन्छन् । जसमा बिशेषतः अभिनय क्षेत्रका सेलिब्रेटीहरुको बढी नै बाहुल्यता हुने गरेको देखिन्छ ।
आफ्नो प्रभाव छोड्न नेपालमा अभिनय क्षेत्रमा लागेका धेरै कलाकारहरुले आफूलाई स्टाईल र ड्रेसअपका कारण सेलिब्रेटी नै बनाईरहेका छन् । उनीहरु आफ्नो क्रेजमा कुनै किसिमको कमी नहोस् भनेर चनाखो पनि भइरहेका हुन्छन् । तर पनि ड्रेस सेन्स वा स्टाईलको कारण सेलिब्रेटीहरु गसिपको पात्र पनि बन्ने गरेका छन् ।
फेसन डिजाईनिङको क्षेत्रमा नेपालका चर्चित फेसन डिजाइनर तेन्जिङ छेतेन भुटियाले नेपालमा ड्रेस सेन्स भएका केही नायकहरुको वारेमा बताउनु भयो ।
‘ड्रेस सेन्स’ को प्रसंग निकाल्दा नेपालको सिने क्षेत्रका नायकहरू को को छन् त ? भन्ने नै हुन्छ । सवैभन्दा पहिला कुरा कोट्यायौँ, महानायक राजेश हमालको ।
राजेश हमाल
महानायक राजेश हमाल चलचित्र क्षेत्रमा प्रवेश गर्दादेखि आजसम्म उत्तिकै चर्चामा छन् । हम्मेसी विवादमा नपर्ने र बौद्धिक नायकको छवि बनाएका हमाल खासगरी ‘क्याजुअल ड्रेस’ लगाउन मन पराउँछन् । धेरैजसो उनी जिन्स पाइन्टमा देखिन्छन् ।
फेसन डिजाइनर तेन्जिङ्ग छेतेन भुटियाका अनुसार हमाल राम्रो ‘ड्रेस सेन्स’ भएका अभिनेताबीचमा पनि नम्बर एकमा नै पर्छन् । किनकी उनी आफ्नो उमेर र व्यक्तित्व अनुसारको ‘ड्रेस अप’ गर्छन् । अग्लो कद र ‘मेन्टेन’ गरेको खाइलाग्दो शरीर भएका हमाललाई जस्तो पनि पहिरन सुहाउँछ ।
अनमोल केसी
खासगरी नेपाली फिल्मका युवा दर्शकमाझ रुचाइएका छन् अभिनेता अनमोल केसी । अत्याधिक ‘क्रेजी’ फ्यान’ हुने नेपाली अभिनेतामा पर्छन् उनी । उनी आफ्नो उमेर अनुसारको ‘ड्रेसअप’ गर्न रुचाउँछन् । कलर र डिजाईनमा अनमोलको राम्रो ‘सेन्स’ छ, भन्छन् तेन्जिङ्ग छेतेन भुटिया । अनमोल नयाँ–नयाँ ड्रेसहरू ट्रायल गर्न हिच्किचाउँदैनन् । ‘ड्रेसअप’ गर्दा व्यक्तित्व कसरी उठाउने भन्ने हेक्का राख्छन् उनी । यिनै कारणहरूले अनमोल राम्रो ‘ड्रेस सेन्स्’ भएका अभिनेतामा दरिएका छन् । भुटियाका अनुसार महानायक राजेश हमालपछि अनमोल नै राम्रो ‘ड्रेस सेन्स्’ भएका नायक हुन् ।
प्रदिप खड्का
हेन्डसम अभिनेता प्रदिप खड्का पनि युवापुस्ता माझ प्रिय छन् । उनी फेसनेवल नायक हुन् भन्दा फरक पर्दैन । यी चकलेटी नायकलाई विभिन्न लुगाका ‘ब्राण्ड’ले ‘ब्राण्ड एम्बासडर’ समेत बनाएका छन् । उनी आफैंमा फेसनमा सचेत देखिन्छन् । खासगरी फिल्ममा उनी आफ्नो ‘क्यारेक्टर’ अनुसारको ‘ड्रेसअप’मा सुहाउँदो देखिन्छन् ।
आकाश श्रेष्ठ
अभिनेता आकाश श्रेष्ठको ‘ड्रेस सेन्स’को कुरा गर्दा अब्बल नै लाग्छन् । मोडलिङ गर्दै अभिनेता भएका कारण कुन इभेन्टमा कस्तो किसिमको ड्रेस अप गर्ने भन्ने उनमा सेन्स राम्रो छ । उनले आफ्नो जिउ सुहाउँदो डिजाईन र कलर छान्छन् ।
नाजिर हुसेन
म्यूजिक भिडियोमा चर्चा कमाएपछि चलचित्रमा प्रवेश गरेका हुन् अभिनेता नाजिर हुसेन । चलचित्र र म्युजिक भिडियोमार्फत मूल्याङ्कन गर्दा उनको ड्रेस सेन्स् राम्रो देखिन्छ । त्यसैगरी सार्वजनिक कार्यक्रमहरूमा उपस्थित हुँदाको बखत भने झनै राम्रोसँग जाँच्न सकिन्छ । यी सवै हिसावमा नाजिर ड्रेस अपमा अरु कलाकारभन्दा माथि लाग्छन् । उनीपनि आफ्नो ज्यान र समय अनुसारको ‘ड्रेसअप’ गर्न राम्रोसँग जान्दछन् ।
पल शाह
चर्चित अभिनेता पल शाहको कपाल लामो भएकाले उनको लुक्स रफ–टप छ । तर पलले ड्रेस अप गर्दा प्रायः सबै राम्रो नै देखिन्छ । अर्थात जस्तो किसिमको ड्रेस लगाएपनि पललाई सुहाउँछ । तर पनि उनमा ड्रेस अप सेन्स छ ।
Sheilaphade
Если вы занимаетесь производством и испытываете потребность в бесперебойной поставке высококачественных тугоплавких металлов, то ООО "РМС" — это ваше ключевой партнер. Наша компания профессионально работает в сегменте поставок редких металлов уже многих лет, что позволяет нам отгружать только эталонные металлы своим партнерам. Масштаб заказа не ограничен. Широкий ассортимент тугоплавких металлов. Вся необходимая документация в наличии. Сопровождение 24/7. Зачем подбирать альтернативы, если на rms-ekb.ru всегда экспертный подход? Если у вас возникли вопросы, наши специалисты всегда готовы проконсультировать вас.. Свяжитесь с нами прямо сейчас и удостоверьтесь в превосходном качестве нашего ассортимента. Реализуемый ассортимент: Прецизионная труба гидравлическая 18х3,5 мм 10S10 EN 10305-1