गायिका कल्पना दाहालको ‘प्रेम विवाह’ युट्युब ट्रेण्डिङमा
गायिका कल्पना दाहालको पहिलो तीज गीत ‘प्रेम विवाह’ युट्युब तथा टिकटकमा भाइरल भएको छ । त्रिसना म्युजिक युट्युब च्यानलमार्फत केही दिन अघि सार्वजनिक भएको उक्त गीत हाल युट्युवको १४ औं ट्रेण्डिङमा छ ।
गीतमा शब्द तथा संगीत बाबुराम बोहोराको रहेको छ । बिनोद बाजुरालीले संगीत संयोजन गरेका हुन् । मालाश्री स्टुडियोमा रेकर्डिङ भएको उक्त गीतलाई राजेन्द्र बाजुराली र गोबिन्द पराजुलीले रेकर्ड गरेका हुन् ।
गीतको भिडियोमा दाहालसँगै कबिता न्यौपानेको अभिनय रहेको छ । भिडियोलाई स्मृती तिमिल्सिना (गुरुआमा)ले निर्देशन गरेकी हुन् । सुरेश श्रेष्ठले छायाँकन गरेको उक्त भिडियोलाई अमृत चापागाईंले सम्पादन गरेका हुन् ।
