रमेश प्रसाईंको ‘अंशैमा परेको सिलबरे थाल’ आउँदै
पब्लिक स्पिकर रमेश प्रसाईंले अंशैमा परेको सिलबरे थाल बोलको गीत गाएका छन् । गत वर्ष ‘रिङ्के बुङको राँगो’ गीतले अपार सफलता पाएसँगै प्रसाईंले यो गीत गाएका हुन् ।
उक्त गीतमा आधुनिक देवानको शब्द तथा संगीत रहेको छ भने बिपिन आचार्यले संगीत संयोजन गरेका हुन् । गीतलाई सोमबार एमबी म्युजिक रेकर्डिङ स्टुडियोमा रेकर्डिङ गरिएको हो ।
यो गीत यसअघि गायक आधुनिक देवानले गाइसकेका थिए । पुराना गीत–संगीत र संस्कृतिको जगेर्ना गर्ने उद्धेश्यले यो पूर्वेली भाकालाई पुन: रेकर्ड गरिएको हास्यकलाकार दिपकप्रसाद आचार्यले जानकारी दिए । उनले यो गीतको भिडियोलाई निर्देशन गर्दैछन् ।
साउनको दोस्रो हप्ताबाट छायाँकन सुरु गर्ने भनिएको यस भिडियोलाई साउन अन्तिममा सार्वजनिक गर्ने तयारी रहेको उनले बताए ।
