कोरोनासँगै यसरी बदलियो लाइफस्टाइल



कोरोना महामारीबाट विश्व अझै आक्रान्त छ । त्यसबाट नेपाल पनि अछुतो छैन । दोस्रो लहरसँगै सुरु भएको निषेधाज्ञा केही खुकुलो भएपनि सामान्य अवस्थामा भने आइसकेको छैन ।

विश्वव्याधिको यही त्रासपूर्ण तरंग लम्बिँदो निषेधाज्ञाका कारण मानिसको सिंगो लाइफस्टाइलमा धेरै नै हेराफेरी आएका छन् । २ वर्षयता सामान्य हिँडडुलदेखि सामाजिक जमघटसम्म, व्यापारदेखि रोजगारीसम्म, सामाजिक संस्कारदेखि रितीरिवाजसम्म, अध्ययनदेखि अध्यापनसम्म, खेलदेखि खेलाडीसम्म, अनि सिर्जनशील कामदेखि उत्पादनशील क्षेत्रसम्म र मालिकदेखि कामदारसम्मको जीवनशैलीमा व्यापक परिवर्तनका बाछिटा देखिए ।

कोरोना भाइरस आउनुभन्दा पहिला नेपालमा अनलाइन कक्षाका बारेमा सुनिएतापनि व्यवहारमा लागू भएको थिएन । तर, अहिले पढाईदेखि परीक्षासम्म अनलाइनबाटै भए । यतिसम्मकि चासोका साथ हेरिने एसईई परीक्षाको नतिजा समेत आन्तरिक मूल्यांकनबाट प्रकाशित गरियो ।

के–केमा बदलियो ?

कोरोनाले परिवर्तन नल्याएको क्षेत्र कमै छन् । पहिलो कुरा त यसले शैक्षिक क्षेत्रमा व्यापक परिवर्तन ल्याइदियो । देशभरका विद्यालय बन्द छन् । त्यसो त अनलाइनबाटै पठनपाठन भइरहेका छन् ।

कोरोना भाइरस आउनुभन्दा पहिला नेपालमा अनलाइन कक्षाका बारेमा सुनिएतापनि व्यवहारमा लागू भएको थिएन । तर, अहिले पढाईदेखि परीक्षासम्म अनलाइनबाटै भए । यतिसम्मकि चासोका साथ हेरिने एसईई परीक्षाको नतिजा समेत आन्तरिक मूल्यांकनबाट प्रकाशित गरियो ।

यसैगरी, कोरोनाले व्यापार–व्यवसायमा प्रत्यक्ष असर पारेको छ । केही हदसम्म खाद्य सामग्री पसल र औषधिको व्यवसाय चलेपनि अन्य व्यवसाय पूर्ण बन्द रहे । त्यसैले यसैबेला अनलाइन व्यापारले प्रमुख स्थान पायो । कोरोना कहरपछि सहरी क्षेत्रमा अतिआवश्यक सामाग्रीको माग र भुक्तानीमा अनलाइन ट्रेन्ड बढ्दो रहेको सस्तो डिलका सिइओ अमुन थापा बताउँछन् ।

त्यस्तै, कोरोनाले खेल तथा मनोरञ्जन क्षेत्रमा पनि व्यापक परिवर्तन ल्याइदियो । अन्तराष्ट्रियस्तरका खेलका मैदान पनि दर्शकबिहिन बन्न पुगे ।
कोरोना कहरपछि स्वास्थ्य उपचार शैलीमा पनि निकै परिवर्तन आएको छ । भर्चुअल र फोन सम्पर्क गरेर चिकित्सकसँग परामर्श लिने चलन बढेको छ । यसैगरी औषधिका लागि अनलाइन अर्डर गर्ने बानी बसेको छ ।

विवाह भन्ने बित्तिकै धुमधाम हुनुपर्छ भन्ने आम नेपालीको बुझाई थियो । यद्यपि, कोरोना महामारीले थोरै संख्या र कम खर्चमा पनि विवाह सम्पन्न हुन्छ भन्ने सिकाएको छ ।

यसैगरी, यो बेला जागिरेहरुलाई घरबाटै पनि काम गर्नुपर्ने बाध्यता आइलाग्यो । विशेषगरी, अनलाइन सेवा प्रदायक संस्था, पठनपाठन, व्यापार, पत्रकारिता लगायतका क्षेत्रमा ‘वर्क फ्रम होम’ निकै विकसित भयो । यसले आममानिसलाई घरबाटै पनि काममा अभ्यस्त हुन भने सिकायो ।

खुम्चियो बिहे

विवाह भन्ने बित्तिकै धुमधाम हुनुपर्छ भन्ने आम नेपालीको बुझाई थियो । यद्यपि, कोरोना महामारीले थोरै संख्या र कम खर्चमा पनि विवाह सम्पन्न हुन्छ भन्ने सिकाएको छ । यतिमात्र होइन बेहुला बेहुलीको फेसनमा मास्कले प्रवेश गर्यो । विभिन्न बुटिकहरुमा बेहुलाबेहुलीका स्पेशल मास्कको डिजाइन हुन थालेका छन् । त्यसैले विवाहमात्र नभएर जन्मदेखि मृत्युसम्मका संस्कारमा मानिसहरुको जमघट निकै खुम्चियो ।

नमस्कार गर्ने चलन बढ्यो

साथीभाई अथवा नजिकका मान्छे भेट्ने बित्तिकै हात मिलाउने, अंकमाल गर्ने चलनलाई पनि कोरोनाले विस्थापित गरिदिएको छ । त्यसैले नमस्कार गर्ने चलन बढ्यो ।

यसैगरी, मास्क, पञ्जा, सेनिटाइजरको प्रयोग ह्वात्तै बढ्यो भने आममानिसमा सरसफाईको चेतनामा पनि वृद्धि भयो । सेनिटाइजर प्रयोग गर्ने, नियमित हात धुने बानी बसाल्न पनि कोरोनाले सिकायो । समग्रमा आममानिसको जीवनशैलीमा कोरोनाले काफी परिवर्तन ल्याइदिएको छ ।



प्रतिक्रिया दिनुहोस !
सम्बन्धित खबरहरु

काठमाडौँ उपत्यकामा कोरोना भाइरसको सङ्क्रमण बढेसँगै अस्पताल भर्ना हुने बिरामी पनि ह्वात्तै बढेका छन् । पछिल्लो पटकको निषेधाज्ञा खुकुलो भएसँगै

कोरोनाको दोस्रो लहरपछि करिव चार महिनादेखि ठप्प रहेको सवारी चालक अनुमति पत्र (लाइसेन्स) को परीक्षा भदौ पहिलो सातादेखि सञ्चालन हुने

पछिल्ला केही दिनयता कोभिड–१९ को संक्रमण दर बढिरहेको भन्दै जिल्ला प्रशासन कार्यालय काठमाडौँले भीडभाडजन्य गतिविधि नगर्न आग्रह गरेको छ ।

थारूहरू क्षेत्रिय बसोवासका आधारमा विभिन्न शब्दबाट चिनिन्छन् । दाङमा बसोबास गर्नेलाई ‘डङ्गौँरा थारू’, देउखुरीमा बसोबास गर्नेलाई ‘डिउखर्या थारू’, भारतको सीमा