खोटाङ र मनाङबाट ७५ जिल्लाले सिक्नुपर्छ यी कुरा !



गृह मन्त्रालयका अनुसार ७७ मध्ये ७५ जिल्लामा एक महिना भन्दा बढी कोरोना भाइरस लक्षित निषेधाज्ञा छ । तर, पूर्वको खोटाङ र पश्चिमको मनाङमा भने अहिलेसम्म निषेधाज्ञा लागेको छैन ।

खोटाङका प्रमुख जिल्ला अधिकारी मित्रलाल शर्मा स्व­अनुशासनलाई कडाइका साथ लागू गरिरहेकोले संक्रमण दर बढ्न नपाएको बताउछन् ।
‘निषेधाज्ञा जारी गर्नुभन्दा स्व­नियमन र अनुशासन नै बढी प्रभावकारी देखियो’, उनी भन्छन्, ‘सबै स्थानीय तह सुरक्षा निकाय तथा सङ्घसँस्थाको समन्वयमा रोकावटको काम भइरहेको छ ।’

खोटाङमा अहिलेसम्म ८२९ जना सक्रिय संक्रमित पुगेका छन् । ६२० जना निको भएर घर फर्किएका छन् भने अहिलेसम्म ६ जनाको मृत्यु भएको छ । हाल अस्पतालमा ३१ जना मात्रै उपचारमा छन् भने बाँकी होम आइसोलेसनमा छन् । आदेश जारी नगरे पनि कडा नियम लगाएर परिपालनमा जोड दिइएको छ ।

दुई हप्तादेखि नै मठमन्दिर, पूजापाठ, भीडभाड हुने क्षेत्र हामीले सबै रोकेका छौँ, पसल ७ बजेदेखि ९ मात्रै खोल्न दिइएको छ, यातायात बन्द नै छ, अनुमतिमा मात्रै हिँडडुल तथा यातायात चल्दैछन्’, शर्माले थपे, ‘हामीले निषेधाज्ञा भने जारी गरेका छैनौँ ।’
निषेधाज्ञा घोषणा नगरिए पनि प्रकृति भने उस्तैउस्तै रहेको छ ।

त्यस्तै निषेधाज्ञा नलागेको अर्को जिल्ला हो मनाङ । यहाँ निषेधाज्ञा नलगाए पनि कोरोनाबाट जोगिन आवश्यक सबै स्वास्थ्य मापदण्डको पालना भएको सहायक प्रमुख जिल्ला अधिकारी शारदा चालिसे बताउँछिन् । उनका अनुसार बाहिरी जिल्लाबाट प्रवेश गर्नेहरूले अनिवार्य १० दिन आइसोलेसनमा बस्नु पर्दछ । चालिसे भन्छिन् ‘सम्बन्धित पालिका वा कार्यालय प्रमुखले आइसोलेसनमा राख्ने सुनिश्चित नगरेसम्म जिल्ला प्रवेश अनुमति दिंदैनौ ।’

मनाङमा अहिले सक्रिय संक्रमीत ३० जना छन् भने संस्थागत आईसोलेशनमा ८ जना छन् । कोरोना रोकथामका लागि जिल्लाले जनताहरुमा सचेतना फैलाइरहेको र जसले कोरोनाको प्रकोप फैलिन नपाएको उनको भनाइ छ । निषेधाज्ञा नभए पनि भीडभाड गर्ने, अत्यावशेकका काम बाहेक घर बाहिर निस्किन दिइएको छैन ।



प्रतिक्रिया दिनुहोस !
सम्बन्धित खबरहरु

सरकारले कोभिड–१९ खोप प्रमाणपत्रको कन्सुलर प्रमाणीकरण गर्नु नपर्ने व्यवस्था गरेको छ । कोभिड–१९ सङ्कट व्यवस्थापन केन्द्र(सिसिएमसी) ले आइतबार स्वास्थ्य तथा

पछिल्ला केही वर्षयता मनसुनजन्यसहित विपद्का घटना बढ्दो छ । एक दशकको तथ्याङ्क हेर्दा विसं २०७२ सम्म विपद्का दुई हजारभन्दा कम

पछिल्लो समय वैवाहिक वर्षगाँठ तथा जन्मोत्सव कार्यक्रमका नाममा फजुल खर्च गर्ने प्रचलन बढ्दै गएको छ । तर, यस्ता उत्सवमा हुने

शनिबार रातिदेखि आएको बाढीले चनौटेको रातो पुल बगाएको छ । स्थानीयवासी हस्त पण्डितका अनुसार आज बिहान ७ः४५ बजे पुल बगाएको