चलचित्रकर्मी कल्याण कोष सञ्चालक समितिको सदस्यमा दिपाश्री निरौला
चलचित्रकर्मी कल्याण कोष सञ्चालक समितिको सदस्यमा अभिनेत्री, निर्मात्री तथा निर्देशक दिपाश्री निरौला नियुक्त भएकी छिन् । चलचित्र विकास बोर्डको २०७७ चैत ३१ गतेको बैठकले उनलाई कल्याणकारी कोषको सदस्यमा नियुक्त गर्ने निर्णय गरेको थियो ।
यद्यपि आधिकारिक पत्र भने आजमात्र प्राप्त भएको निरौला बताउँछिन् । उनी सँगै चलचित्र कलाकार संघका अध्यक्ष रविन्द्र खड्का पनि कोषको सदस्यमा नियुक्त भएका छन् । उक्त कोषको अध्यक्ष अभिनेत्री बसुन्धरा भुसाल हुन् ।
भुसालले काम गर्ने क्षमता भएकी र मानवहितका लागि काम गर्न सक्ने भएकाले निरौलालाई सदस्यमा नियुक्त गर्न सिफारिस गरेको बताइन् ।
