एकैदिन ६ हजार ६ सय ४८ जनाले जिते कोरोना
नेपालमा एकैदिन ६ हजार ६ सय ४८ जना कोरोना संक्रमण मुक्त भएका छन् । स्वास्थ्य तथा जनसंख्या मन्त्रालयका अनुसार कोरोना संक्रमणबाट मुक्त हुने दर ७४ दशमलव ६ पुगेको छ ।
यसैगरी पछिल्लो २४ घन्टामा ७ हजार ३ सय ६८ जनामा कोरोना संक्रमण पुष्टि भएको छ । यो सँगै नेपालमा सक्रिय संक्रमितको संख्या १ लाख १० हजार २ सय ६३ पुगेको छ । जसमध्ये, ७ हजार ८ सय ८ जना संस्थागत आइसोलेसन र १ लाख २ हजार ४ सय ५५ जना होम आइसोलेसनमा छन् ।
आज काठमाडौं उपत्यकामा २ हजार ६ सय ९ जना कोरोना संक्रमित थपिएका छन् । त्यसमध्ये, काठमाडौंमा १ हजार ८ सय ८१ जना, भक्तपुरमा २ सय ९२ जना, ललितपुरमा ४ सय ३६ जनामा कोरोना संक्रमण पुष्टि भएको छ ।
हाल १ हजार ३ सय १३ जना आइसीयुमा उपचाररत छन् । जसमध्ये ३ सय ८० जनाको भेन्टिलेटरमा उपचाररत भइरहेको मन्त्रालयले जनाएको छ । पछिल्लो २४ घन्टामा १ सय ४५ जना संक्रमितले ज्यान गुमाएका छन् ।
