काठमाडौंमा ‘भेरोसेल’को दोस्रो मात्रा आजबाट लगाउन सुरु, कसको पालो कहिले ?
सरकारले कोभिड–१९ विरुद्धको ‘भेरोसेल’ खोपको दोस्रो मात्रा आजदेखि काठमाडौँ जिल्लामा लगाउन सुरु गरेको छ । जिल्ला स्वास्थ्य कार्यालय काठमाडौंले सूचना प्रकाशित गरी पहिलो खोपको मात्रा लगाएका १८ देखि ५९ वर्ष उमेर समूहलाई आजदेखि जेठ ११ गतेसम्म दोस्रो मात्राको खोप लगाउन सुरु गरिएको हो ।
कार्यालयका प्रमुख जनस्वास्थ्य प्रशासक बुद्धिबहादुर खड्काले दोस्रो मात्राको खोपका लागि आइतबारदेखि जेठ ११ गतेसम्म आफूलाई पायक पर्ने खोप केन्द्रमा गई खोप लगाउन अनुरोध गरेका छन् । उनका अनुसार काठमाडौँ जिल्लाका ११ वटै नगरपालिकामा रहेका खोप केन्द्रबाट खोप लगाउन सुरु गरिएको हो ।
काठमाडौँ महानगरपालिकामा ३३ खोप केन्द्र, चन्द्रागिरी नगरपालिकामा ३ खोप केन्द्र, कीर्तिपुर, बुढानिलकण्ठ, गोकर्णेश्वर, टोखा र नागार्जुन नगरपालिकाका २-२ खोप केन्द्र, कागेश्वरी मनोहरा, तारकेश्वर शंखरापुर र दक्षिणकालीमा १-१ वटा खोप केन्द्र रहेका छन् ।
कार्यालयले गत चैत २५ देखि २८ गतेसम्म लगाएकाले जेठ २, चैत २९ र ३० गते लगाएकाले जेठ ३ गते, चैत ३१ र वैशाख २ गते लगाएकाले जेठ ४ गते, वैशाख ३ र ४ गते लगाएकाले जेठ ५ गते, वैशाख ५ र ६ गते लगाएकाले जेठ ६ गते दोस्रो मात्राको खोप लगाउन भनिएको छ ।
यस्तै, गत वैशाख ७ देखि १० गतेसम्म लगाएकाले जेठ ७ गते, वैशाख ११ र १२ गते लगाएकाले जेठ ८ गते, वैशाख १३ गते लगाएकाले जेठ ९ गते, वैशाख १४ गते लगाएकाले जेठ १० गते र वैशाख १५ गते लगाएकाले जेठ ११ गते खोप लगाउन अनुरोध गरिएको छ । चीन सरकारबाट अनुदानमा ल्याइएको ‘भेरोसेल’ खोपको पहिलो मात्रा गत चैत २५ देखि वैशाख १५ गतेसम्म लगाइएको थियो ।
खोप केन्द्रसम्म जानका लागि पहिलो डोजको खोप लगाएको कार्ड देखाएमा प्रहरी वा ट्राफिक प्रहरीले सवारीसाधन नरोक्ने जिल्ला प्रशासन कार्यालय काठमाडौंका प्रमुख जिल्ला अधिकारी कालीप्रसाद पराजुलीले जानकारी दिए । ‘अहिले निषेधाज्ञा भएकाले निजी तथा सार्वजनिक यातायात बन्द छन् त्यसैले खोप केन्द्रसम्म जानका लागि निजी सवारीसाधनलाई पासको आवश्यकता पर्दैन,’ उनले भने, ‘खोप कार्ड देखाए हुन्छ ।’
Romansteeds
napsauta saadaksesi lisätietoja