जेनजीको आह्वानमा भएको प्रदर्शनमा सहिद भएका व्यक्तिको सम्झनामा संसद भवन अगाडि दीप प्रज्वलन
जेनजीको आह्वानमा गरिएको प्रदर्शनका क्रममा मृत्यु भएका नागरिकहरूको सम्झनामा नयाँ बानेश्वर, काठमाडौंँस्थित संसद भवन अगाडि दीप प्रज्वलन गरिएको छ।
सरकारले प्रदर्शनका क्रममा ज्यान गुमाएका सबै व्यक्तिलाई सहिद घोषणा गर्ने निर्णय गरेको छ। साथै, सहिद घोषणा गरिएका प्रत्येक परिवारलाई १० लाख रुपैयाँको राहत सहायता उपलब्ध गराउने निर्णय मन्त्रिपरिषद् बैठकबाट पारित गरिएको छ।प्रदर्शनका क्रममा मृत्यु हुनेको संख्या ७२ जना पुगेको छ। त्यसमध्ये ५९ जना प्रदर्शनकारी,१० जना कैदी र ३ जना प्रहरी कर्मचारी रहेको पनि जानकारी दिइएको छ। त्यस्तै १३४ जना प्रदर्शनकारी र ५७ प्रहरी गरी १९१ जनाको उपचार भइरहेको छ।
