क्रिकेटमय हुनेछ सन् २०२५

नेपाल क्रिकेट संघ (क्यान)ले वार्षिक क्यालेण्डर सार्वजनिक गरेको छ । शनिबार सार्वजनिक क्यालेण्डर अनुसार वर्ष सन् २०२५ मा नेपाली क्रिकेटर व्यस्त रहनेछन् ।  कुनै पनि महिना क्रिकेटविहीन हुनेछैनन् । बाह्रै महिना पुरुष, महिला र उमेर समूहका विभिन्न प्रतियोगिता हुनेछन् । क्यानले पुरुष, महिला, यू-१९ र यू-१६ को कार्यक्रम सार्वजनिक गरेको हो। 

क्यानको क्यालेन्डरअनुसार पुरुष क्रिकेट टोली निकै व्यस्त छ। जसमा पुरुषको १२ महिना घरेलु कार्यतालिका छ। यस्तै आगामी महिनाबाट सुरु हुने अन्तर्राष्ट्रिय कार्यक्रममा १२ वटा समावेश छन्। क्यानले यो वर्ष टी-२० विश्वकप छनोट र आइसिसी लिग-२ को कार्यक्रमलाई केन्द्रीत गरेको छ।

सन् २०२५ मा आईसीसी लिग २, विश्वकप क्वालिफायर, हङकङ सिक्सेस, टी-२० र ओडीआई सिरिजलगायत रहेका छन् भने महिलातर्फ विश्वकप एसिया छनोट, इमर्जिङ टिम्स एसिया कपलगायत प्रतियोगिता रहेका छन् ।