हङकङमा मर्स्याङदी नाईट हुने
लमजुङ सेवा समिति हङकङले मर्स्याङदी नाईटको आयोजना गर्ने भएको छ । कार्यक्रम डिसेम्बर २२ का दिन युङ लङ थियटरमा हुनेछ । उक्त कार्यक्रममा राजु परियार, माया गुरुङ, खुस्बु गुरुङ, मञ्जु बिके, छेवाङ लामा तथा ब्याण्ड लगायत स्थानीय कलाकारहरुको पनि सहभागिता रहनेछ । हङकङमा रहेका लमजुङेलीहरुको यो संस्थाले छैठौंपटक सांस्कृतिक कार्यक्रमको आयोजना गर्न लागेको हो ।
मनोरंजन सँगै प्रवासमा नेपाली कला संस्कृती प्रर्वद्धन हेतु निरन्तर कार्यक्रम आयोजना गर्दै आएको संस्थाले जनाएको छ । आइतबार आयोजित जानकारी सभामा कार्यक्रमबाट संकलित रकम शिक्षा, स्वास्थ्य, खेलकुद र दैविक प्रकोप लगायतका परोपकारी काममा खर्च गरिने जनाइयो ।
जगत अम्बु गुरुङ/हङकङ
