बिवाइडीका दुई कार ‘वर्ल्ड कार अवार्ड २०२४’ को टप थ्रीमा
स्विट्जरल्यान्डमा भएको जेनेभा मोटर सोमा चिनियाँ बिवाइडी ब्रान्डका दुईवटा मोडलका गाडी टप थ्रीमा परेका छन् । ‘वल्र्ड कार अवार्ड २०२४’ का लागि शीर्ष तीन अन्तिम प्रतियोगीको घोषणा गर्दा बिवाइडी सिलले ‘वर्ल्ड कार अफ दी इयर’ र बिवाइडी डल्फिनले ‘वर्ल्ड अर्बन कार’ श्रेणीमा टप थ्रीमा स्थान हासिल गरेको हो । बिवाइडीले २०२३ मा ३० लाख विद्युतीय सवारीसाधन बिक्री गर्दै, दोस्रो वर्षका लागि पनि विश्वभरमा शीर्ष स्थान मात्र नभएर, ग्लोबल अटोमोटिभ ब्रान्डहरूको शीर्ष दशमा समेत प्रवेश गरेको कम्पनीको भनाइ छ ।
वर्ल्ड कार अवार्ड श्रेणीको शीर्ष तीनमा सूचीकृत हुने पहिलो र एक मात्र चिनियाँ कार निर्माताको इतिहास बनाएको कम्पनीले जनाएको छ । विश्वभरको प्रमुख अटोमोटिभ परिचालनका महत्वपूर्ण पुरस्कारका रूपमा चिनिएका ‘वर्ल्ड कार अवार्ड’, ‘युरोपियन कार अफ दी इयर’ र ‘नर्थ अमेरिकन कार अफ दी इयर’ अत्यधिक रूपमा प्रशंसित रहेको जनाइएको छ । ‘विश्वमा अटोमोटिभ ओस्कर’का नाममा प्रसिद्ध भएको ‘वर्ल्ड कार अवार्ड’ विश्वभरको अटोमोटिभ उद्योगमा धेरै प्रतीक्षित कार्यक्रमका रूपमा विशेष चर्चा गरिने कम्पनीको दाबी छ । बिवाइडीको असाधारण प्रदर्शनले नै यसलाई विश्वकै प्रमुख विद्युतीय सवारीसाधनको नेतृत्वको स्थानमा पुर्याएको कम्पनीले जिकिर गरेको छ ।
यी दुई मोडलहरूले आफ्नो विशेष डिजाइन, असाधारण प्रविधि र मजबुत सुरक्षा विशेषताका कारण २९ देशका एक सय अटोमोटिभ मिडिया तथा विश्वभरका विशेषज्ञको ध्यान आकर्षित गरेको कम्पनीको भनाइ छ । सन् २०२३ मा यी दुई मोडलका गाडीले युरो एनक्याप र एएनक्याप परीक्षणमा पनि पाँच ताराको रेटिङ प्राप्त गरेको कम्पनीले जनाएको छ ।
Chandra
This paragraph provides clear idea in favor of the new users of blogging, that actually how to do blogging and site-building. Here is my page - red boost powder