करिश्माले दिइन् डिल्लीराम खनालविरुद्ध उजुरी
अभिनेत्री करिश्मा मानन्धरले आफ्नो मानहानि हुने अभिव्यक्ति दिएको भन्दै डिल्लीराम खनालविरुद्ध नेपाल प्रहरीको साइबर ब्युरोमा उजुरी दिएकी छन् । उनले नेपाल प्रहरीको साइबर ब्युरोमा मंगलबार उजुरी दिएकी हुन् ।
खनालले एउटा अन्तर्वार्तामा नायिका मानन्धरलाई राष्ट्रिय स्वतन्त्र पार्टीका सभापति रवि लामिछानेसँग जोडेर विवादास्पद अभिव्यक्ति दिएका थिए । विद्युतीय कारोबार ऐन २०६३ को दफा ४७ अनुसार कारबाहीको माग गर्दै करिश्माले उजुरी दिएकी हुन् । करिश्माले फेसबुकमार्फत पनि उजुरी दिएको जानकारी गराएकी छन् ।
करिश्मा लेख्छिन् ‘उहाँ को हो ? यो अत्ति भयो । कलाकारलाई यस्तै भन्छन् भनेर सहेँ । हिजो साइबर ब्युरोमा निवेदन हालेको छु । हेरौँ नेपालको कानून कत्तिको बलियो रहेछ ।’
युट्युबमा विभिन्न अन्तर्वार्ता दिएर भाइरल बनिरहेका खनालले करिश्मा लिभिङ टुगेदर बसेको भन्दै युट्युबमा अन्तर्वार्ता दिएका थिए । उनको यो अभिव्यक्ति टिकटकमा समेत भाइरल बनिरहेको छ ।
साथै उनले आफू हिन्दू भएको र लिभिङ टुगेदरमा विश्वास नै नगर्ने पनि सामाजिक सञ्जालमा उल्लेख गरेकी छन् ।
यो पनि…
राजनीतिमा हाम्रा कलाकार
मानन्धरले भनिन्- ओलीकाे भाषण सुनेर थाक्दिनँ
