English

बिहीबार सेयर बजार स्थिर



साताको अन्तिम कारोबार दिन अर्थात् बिहीबार सेयर बजार स्थिर रहेको छ। गत कारोबार दिन २१८३ बिन्दुमा पुगेर बन्द भएको सेयर बजार आज पनि सोही बिन्दुमा बन्द भएको छ।

बिहीबार नेप्से परिसूचकसँगै कारोबार रकम पनि घटेको छ। गत कारोबार दिन अर्थात् बुधबार ३ अर्ब ४६ करोड ६५ लाख ८ हजार ३३८ रुपैयाँ बराबरको सेयर कारोबार भएकोमा त्यो रकम घटेर आज २ अर्ब ८६ करोड ८२ हजार ८३९ रुपैयाँमा सीमित भएको छ।

आज २५४ वटा धितोपत्रको ७७ लाख ६४ हजार १५३ कित्ता सेयर किनबेच भएको हो। बिहीबार लुम्बिनी जनरल इन्स्योरेन्स, आदर्श लघुवित्त र बाराही हाइड्रोपावरको सेयर मूल्य १० प्रतिशतका दरले बढेको छ। यस दिन उक्त कम्पनीहरूको प्रतिकित्ता मूल्य क्रमशः ४२० रुपैयाँ २० पैसा, एक हजार १९७ रुपैयाँ ९० पैसा र ४८६ रुपैयाँ २० पैसा पुगेको छ।

यस दिन सर्वाधिक मूल्य घट्नेमा समृद्धि फाइनान्स रहेको छ। उक्त कम्पनीको सेयर मूल्य ७.६८ प्रतिशतले घटेर प्रति कित्ता मूल्य ३४५ रुपैयाँ कायम भएको छ। यस्तै, सप्तकोशी डेभलपमेण्टको सेयर मूल्य ४।५० प्रतिशतले घटेर प्रति कित्ता मूल्य २६९.३० रुपैयाँमा झरेको छ।

बिहीबार सर्वाधिक सेयर खरिद–बिक्री समृद्धि फाइनान्सको भएको छ। यस दिन उक्त कम्पनीको ३४५ रुपैयाँमा ९ करोड ७० लाख रुपैयाँ बराबरको सेयर खरिद–बिक्री भएको हो।

सर्वाधिक सेयर खरिद–बिक्री हुने दोस्रो सूचीमा रिडी पावर रहेकोे छ। उक्त कम्पनीको ५६८ रुपैयाँमा ८ करोड ६१ लाख रुपैयाँ बराबरको सेयर कारोबार भएको छ।

त्यस्तै, आज कारोबारमा आएका १३ वटा समूहगत परिसूचकमध्ये सात समूहको परिसूचक घटेको छ भने बाँकी ६ समूहको परिसूचक बढेको छ। यस दिन निर्जीवन बीमा समूहको परिसूचक सर्वाधिक १.४९ प्रतिशतले बढेको छ भने वित्त समूहको परिसूचक सर्वाधिक १.३६ प्रतिशतले घटेको हो।

यो पनि…
गत साता घटेको सेयर बजार यो साता के होला ?
डिम्याट खाता र मेरो सेयरको वार्षिक शुल्क नबुझाए खाता रोक्का



सम्बन्धित खबरहरु

लोकप्रिय गायक करण परियारको सुमधुर स्वरमा सजिएको नयाँ आधुनिक नेपाली गीत “ढाँटछेउ कतिलाई” सार्वजनिक भएको छ। नेपाली सांगीतिक क्षेत्रमा निरन्तर

इटहरी/ ‘मिस एसईई इटहरी’ पाँचौं संस्करणको अन्तिम प्रतिष्पर्धामा पुगेका प्रतिष्पर्धीहरुको फोटोसुट र भिडियोसुट सम्पन्न भएको छ । मोरङ्गको गोकुलम रिसोर्ट

वैशाख २९ गते बौद्ध पिपलबोट हुँदै चाबहिलको चुच्चेपाटीसम्म पौराणिक बुद्ध मूर्तिसहित ¥याली निकालिने श्री बौद्ध तथा मेलम्ची घ्याङ गुठीले जनाएको

नेपालमा नै पहिलो पटक रिभर ट्यूबिङ्ग सुरु गरिएको छ । काभ्रेको सुनकोशी नदीको दोलालघाटदेखि पचुवारघाट्सम्म विस्तार गरिएको यो सेवा साहसिक

Popular
Suggested