जहाँका जनताले जन्माए, म त्यहीँको सेवामा हरबखत छु : किरण गुरुङ



आसन्न निर्वाचनमा नेकपा एमालेबाट तनहुँ निर्वाचन क्षेत्र नम्बर २ को प्रतिनिधिसभा सदस्यका लागि पार्टीका स्थायी कमिटी सदस्य एवं पूर्वमन्त्री किरण गुरुङ चुनावी मैदानमा उत्रिएका छन् । २०७४ सालको निर्वाचनमा प्रदेशसभामा विजयी भएर गण्डकी प्रदेशको अर्थमन्त्रीसमेत बनेका गुरुङ यसपटक संघमा निर्वाचन लड्न लागेका हुन् । गुरुङसँग गरिएको कुराकानीको सम्पादित अंशः

संघीय वन मन्त्री हुनुहुन्थ्यो, प्रदेश झरेर मुख्यमन्त्री बन्छु भन्ने थियो । तर, अर्थमन्त्री बन्नुभयो । के गरेँ भन्ने लागेर प्रतिनिधि सभामा उठ्नुभएको हो ?

मुख्यमन्त्री बन्ने भनेर नै त्यस बेला मैले उम्मेदवारी दिएको थिएँ । जनताले लोकप्रिय मत दिएर जिताउनुभयो । पछि पार्टीको आन्तरिक समस्या समाधान गर्ने हिसाबले मैले अर्थमन्त्रीको जिम्मेवारी सम्हाले । त्यो संस्थापक सरकार भएकाले हामीले जिरोबाट नै सरकार स्थापना र सञ्चालन गर्नुपर्ने भयो । कार्यान्वयन गर्नुपर्ने भयो । नीतिगत कुरा कानुनी कुराहरू सबै जिरोबाट नै हामीले आरम्भ गर्यौं । त्यसपछि हामीले आवधिक योजनाहरू पनि निर्माण गर्याैं । त्यसैको आधारमा हामीले विकास निर्माणका बजेट पेस गरेर कार्य प्रारम्भ गर्याैं । सङ्घीयताको जग हाल्ने ऐतिहासिक काम गरेका छौँ । हाम्रो नेतृत्वको सरकार सातै प्रदेशमा उत्कृष्ट थियो । यो प्रदेशको नामकरणदेखि अस्तित्व बचाउन र देखाउन थुप्रै ठाउँमा म आफैँ जुधेको छु । यो ऐतिहासिक कामका बाबजुद पनि मैले पूरा गर्नुपर्ने जनताका सपनाहरू छन्, त्यही पूरा गर्न चुनाव उठेको हुँ ।

यो प्रदेशकै जीवन, सभ्यता र संस्कृतिसँग गाँसिएको काली गण्डकीलाई डाइभर्सन गर्न हुँदैन भनेर आफ्नै सरकारसँग जुधेर रोकेको छु । त्यो काली गण्डकी डाइभर्सन हुँदा हामीबाट धेरै कुरा गुम्न सक्थे । प्रदेशको नामकरणमा दलहरुबीच नै द्वन्द्व थियो । मैले नै गण्डकी प्रदेश राख्नका लागि सार्वजनिक रूपमै विचार राखेँ, नेतृत्व गरेँ । गण्डकी नाम नै राख्ने गरी अन्त्यमा सबै सहमति जुट्यो । यो ऐतिहासिक थियो । पहिले अर्थमन्त्री भएर अनुत्पादक क्षेत्रमा हुने खर्चलाई रोकेको छु । स्वार्थ समूहबाट प्रहार हुँदा प्रदेशको आर्थिक अनुशासनलाई कायम गरेको छु । कृषि, पर्यटन, शिक्षा, पूर्वाधार हरेक क्षेत्रलाई प्राथमिकताको आधारमा बजेट विनियोजन गरेको छु । हो, यिनै कुराले म संघमा गएर सङ्घीयतालाई अझै बलियो बनाउनुपर्छ भनेर लागेको हुँ ।

अघिल्लो पाली मुख्यमन्त्रीको सपना पूरा हुन नसकेपछि यसपटक पूरा गर्न प्रदेशमै उम्मेदवार दिन सकिन्थ्यो होला, किन सङ्घतिर उक्लनुभएको ?

मुख्यमन्त्री बन्ने सपनाभन्दा पनि जनताको सेवा गर्ने ठूलो कुरा ठूलो हो । आर्थिक मामिला तथा योजना मन्त्री भइसकेपछि मुख्यमन्त्री नै बन्नुपर्छ भन्ने मलाई लागेन । अहिले प्रदेशबाट प्रतिनिधि सभामा उठ्नुको कारण भनेको सङ्घीयतालाई कसरी बलियो बनाउने भन्ने नै हो ।

हामीले प्रदेशको नेतृत्व गर्दा महसुस गर्याैं, सङ्घीयतालाई बलियो बनाउन, धेरैभन्दा जनताको घरदैलोमा विकास पुर्याउन सङ्घबाटै प्रयत्न गर्नुपर्छ । प्रतिनिधि सभामा जानुपर्छ, केन्द्रमा जानुपर्छ । प्रदेश र स्थानीय तहका समस्यालाई कसरी समाधान गर्ने, कस्तो नीति निर्माण गर्ने ? कस्तो योजना निर्माण गर्ने ? कसरी यसलाई समायोजन गरेर संघीय व्यवस्थालाई बलियो बनाउने भनेर नै म प्रतिनिधि सभाको उम्मेदवार बनेको हुँ । सङ्घीयतालाई बुझाउन पनि प्रतिनिधि सभामा जानुपर्ने देखियो ।

अघिल्लो चुनावमा नेकपा एमाले र माओवादीको गठबन्धन थियो । चुनाव जितेर अर्थमन्त्रीसमेत बन्नुभयो । अहिले तपाईंका विरुद्ध ५ दलीय गठबन्धन छ, चुनौती होला नि ?

मलाई चुनौती जनताका दुखहरू कसरी दूर गर्ने भन्ने हो । मेरो लागि चुनौती भ्रष्टाचार कसरी रोक्ने र सुशासन कायम गर्ने भन्ने हो । मेरो चुनौती जनतालाई कसरी सुखी र खुसी राख्ने भन्ने हो । जनताको सेवा गर्ने मान्छेलाई गठबन्धनको डर छैन । जनताले कसले काम गरेको छ, कसले यो देश र माटोका लागि पसिना सिँचिएको छ भन्ने चिनेका छन् । गठबन्धन पनि नाम मात्रैको गठबन्धन त हो ।

गठबन्धनमा रहेका राजनीतिक दलहरू जुन छन्, उनीहरूको न विचार मिल्छ न सोच नै । त्यसैले पनि एउटा पार्टी भएर एक ढिक्का भएर अगाडि बढ्ने जुन शक्ति प्राप्त हुन्छ, त्यो शक्ति गठबन्धनमा छैन । देख्दा गठबन्धन भए पनि उनीहरू बहुरूपी, बहु रङ, बहु धारमा विभाजित छन् । मप्रति जनताको विश्वास र सद्भाव छ । म बिना स्वार्थ राजनीतिमा लागेर कुनै दागसमेत नलागेको पात्र हुँ भन्ने कुरा जनताले नजिकबाट चिनेका छन् । मतदाताको सद्भाव, हौसला नै मेरो जीत हो ।

जनता सचेत छन् । साँच्चै असल मान्छे को हो ? असल पार्टी कुन हो ? असल पार्टीका पनि उम्मेदवार कहिलेकाहीँ गलत हुन सक्छन् । दुवैलाई उनीहरूले हेरिराखेका हुन्छन् । काँग्रेसले २८ वर्षसम्म गर्न नसकेका काम हामीले ३ वर्षमा गर्यौं । त्यसैले चुनौती छैन ।

योभन्दा अगाडि जिताएर पठाएकै हो, संघीय वनमन्त्री बनेकै हुन् तर, जितेर गइसकेपछि मतदातालाई हेर्नुभएन भन्छन् नि !

गाउँ फर्किएन भन्ने जनगुनासो छैन । केही प्रतिद्वन्द्वी राजनीतिक पार्टीहरूले लगाएको आरोप हो । यो विपक्षी पार्टीको फण्डा हो । म प्रदेशको अर्थमन्त्री भएर यो क्षेत्रमा अर्बौंको बजेट हालेको छु, अनि म गाउँ नफर्किएर को फर्कियो होला त ? विकासका योजना लिएर गाउँ गाउँ पुगेको छु, ती जनतालाई थाहा म जमिनमै छु भन्ने ।

४८ सालमा चुनाव जित्दा जम्मा ३ वर्ष कार्यकाल भयो । मध्यावधि चुनाव भयो । त्यतिबेला पनि पटक पटक आएको हुँ । कोही कसैसँग भेट हुन नपाएको पनि हुन सक्छ, वहाँहरूले चुनावको बाध्यता बुझिदिनुभएको छ ।

देशमा स्वतन्त्रका कुराहरू पनि आइराखेका छन्, जनताले नयाँ अनुहारको खोजिरहेको आवाज पनि आइरहन्छ, ४८ सालदेखि तपाईंलाई भोट किन हाल्ने भनेर विपक्षीले एजेन्डा बनाइरहेका छन्, के भन्नुहुन्छ ?

नयाँ अनुहार खोजेका होइन, काम नयाँ खोजेका हुन् । ४८ सालमा म उठेँ । त्यतिबेला राजनीतिक परिवर्तन नै मुख्य एजेन्डा थियो । त्यसपछि ६४ सालमा उठेँ । त्यतिबेला संविधान बनाउन उठेको हुँ । ७४ मा प्रदेशमा उठेर मन्त्री पनि भएँ । त्यतिबेला थुप्रै विकास निर्माणका काम थालनी गरेँ । त्यसैले अहिले पनि जनताको चाहना अनुहारको कुरा होइन, नयाँ काम, योजनाकै कुरा हो ।

तनहुँको यो क्षेत्रमा संयोगले दुवै जना पूर्व वनमन्त्री हुनुहुन्छ । तपाईंले नै भन्दा उहाँसँगको प्रतिस्पर्धालाई कसरी हेर्नु भएको छ ?

वनमन्त्रीका रूपमा पनि म सफल भएर नै फर्केको हो, मलाई कुनै दाग छैन । अर्थमन्त्री हुँदा पनि कानुन विपरीत कुनै काम गरिनँ । अहिलेको जुन मेरो प्रतिद्वन्द्वी हुनुहुन्छ, उहाँ फेरि यो क्षेत्रको पनि होइन । अहिले गठबन्धनको सरकार छ । त्यसो हुँदा वहाँले कति काम गर्नुभयो त यो क्षेत्रका लागि ? अहिले आएर पैसाको बलमा बोल्दै हिँड्नुभएको छ भनेर मतदाताको गुनासो सुन्छु । आमा समूहहरूलाई १० लाख, २० लाख, योजनाबारे २ करोड, ३ करोड अर्थात् ५० करोड, ६० करोड उहाँले भन्नुहोला । तर, यसरी भने पनि त्यसको कुनै अर्थ रहँदैन ।

बजेट नै बाँड्न सक्नुहुन्छ भने प्रतिनिधि सभामा किन उठ्नुपर्याे ? वहाँलाई सरकार किन चाहियो ? पैसाले विकास निर्माणका निम्ति यो दिन्छु, त्यो दिन्छु भन्ने हो भने हो भने त त्यो आवश्यकता नै पर्दैन । नत्र भने मलाई लाग्छ, जनताले कुन नाटक हो, कुन नौटङ्की हो भन्ने थाहा पाइहाल्छन् । त्यसले गर्दा वहाँ मेरो प्रतिस्पर्धीजस्तो पनि लाग्दैन ।

तर, गठबन्धन त ५ दलीय शक्तिसहित आएको छ नि !

त्यो गठबन्धन गठबन्धनजस्तो नै छैन । आफैँमा विभाजित छ । न सोच छ, न कार्यक्रम छ । त्यसले गर्दा पनि गठबन्धन बलियो अवस्थामा छैन । हिजो स्थानीय तहको नतिजामा पनि त उनीहरू नै बलियो थिए, तर पनि मैले जितेँ । त्यसैले त्यो गठबन्धन भए पनि बलियो अवस्थामा छैन । काङ्ग्रेसकै मान्छेहरूले पनि वहाँलाई ‘टुरिस्ट उम्मेदवार’ भन्छन् । भनेपछि यहाँको जनताले त स्वीकार गरेकै छैनन् । नेपाली काँग्रेसले नै स्वीकार गरेको छैन । गठबन्धनले स्वीकारेकै छैन ।

यो क्षेत्रमा गठबन्धनबाट कुनै योग्य उम्मेदवार नभएजस्तो, नेपाली काँग्रेसको सक्षम नेतै नभएजस्तो वहाँ जबरजस्ती आउनुभएको हो । त्यसले गर्दा पनि गठबन्धन त्यसमा पनि नेपाली काँग्रेसभित्रै रुष्ट छन् । अहिले झुक्काएर, नाटक गरेर, यतिउति पैसा दिन्छु भनेर भ्रममा राखेर वहाँले जति भोट ल्याउन सक्नुहुन्छ वहाँको भोट त्यति नै हो ।

एमालेभित्र पनि अन्तर विरोध छ, एकीकृत समाजवादी एमालेबाट फुटेर बनेको छ, गाह्रो हुँदैन ?

स्थानीय तहमा केही अन्तरविरोधहरु थिए । वडा सदस्यदेखि वडाध्यक्ष, मेयर उपमेयरसम्म धेरै उम्मेदवार, धेरै प्रत्याशी भएर त्यसबेला केही अन्त विरोधको अवस्था थियो । तर, अहिले त्यस्तो केही छैन । एमालेभित्र हामी कल्पना पनि गर्दैनौँ । हिजो पार्टी फुटाएर जाने एकीकृत समाजवादीका यो क्षेत्रका सबै फर्किइसके ।

बाँकी १, २ जना जो समाजवादी भनेर बसेका छन्, उनीहरूले पनि मलाई नै भोट हाल्छन् । हाम्रोमा सैद्धान्तिक भोट, राजनीतिक भोट र असन्तुष्टहरूको पनि भोट मलाई नै आउँछ । मेरा प्रतिद्वन्द्वी अहिले यहाँका चिल्ला बाटो देखाएर मैले बजेट हाल्न लगाएको भन्दै आएका छन् । उनलाई थाहै छैन, कुन बाटो प्रदेशको, कुन बाटो सङ्घको ? बजेट कसरी विनियोजन हुन्छ भन्ने थाहै छैन । पहिले जितेर पनि केही विकास गरेका होइनन्, त्यतिबेला पनि जम्मै भोट किनेर जितेका हुन् । अहिले पनि भोट किनेरै विजय प्राप्त गर्ने सपना देखेका छन् । तर, सपना अधुरो रहनेछ ।

यो पनि…
आखिर करिश्माले किन छानिन् एमाले ?
देउवाको प्रश्न : ‘भोलि एमाले र माओवादी मिले के गर्ने ?’ 



...
Gregorio

Great post. My blog ... irmusic4.ir

...
Russel

I’m not that much of a internet reader to be honest but your sites really nice, keep it up! I'll go ahead and bookmark your site to come back later on. All the best Feel free to surf to my web blog: Djinn amoureux

...
Polly

Hi, this weekend is fastidious for me, because this time i am reading this wonderful educational article here at my house. My blog: perfume body oils for women

...
Maude

I have been surfing online more than 4 hours today, yet I never found any interesting article like yours. It is pretty worth enough for me. Personally, if all webmasters and bloggers made good content as you did, the net will be a lot more useful than ever before. My blog post: dagathomo

...
Carri

Wow, that's what I was exploring for, what a data! existing here at this web site, thanks admin of this web page. My page: sbobet mobile

...
Muriel

I loved as much as you'll receive carried out right here. The sketch is tasteful, your authored material stylish. nonetheless, you command get bought an shakiness over that you wish be delivering the following. unwell unquestionably come further formerly again as exactly the same nearly a lot often inside case you shield this increase. Follow me : SA Slot / สล็อตออนไลน์

...
Britt

Do you mind if I quote a couple of your posts as long as I provide credit and sources back to your website? My website is in the very same niche as yours and my visitors would genuinely benefit from some of the information you provide here. Please let me know if this alright with you. Cheers! Look into my webpage Buy Mario Carts Online

Leave a Reply

Your email address will not be published.

सम्बन्धित खबरहरु

लसुन हाम्रो स्वास्थ्यका लागि निकै फाइदाजनक हुन्छ । लसुन स्वस्थ शरीर र छालाको लागि धेरै उपयोगी हुन्छ । तपाईंले आफ्नो

धेरैको बानी हुन्छ कि उठ्ने बित्तिकै सबैभन्दा पहिले चिया वा कफी पिउने। धेरै मानिसहरू आफूलाई ताजा बनाउन खाली पेटमा चिया

सम्बन्धमा एक अर्कालाई समय दिइन्छ, तर व्यस्त जीवनमा मानिसहरूसँग समयको कमी हुन्छ। यस्तो अवस्थामा जब जोडीले एक अर्कालाई समय दिँदैनन्,

मानव सभ्यताको विकास करोडौँ वर्ष पुरानो हो। आज तपाईँ हामीले देखेको सभ्यता धेरै प्रगतिशील र उन्नत छ, तर करोडौँ वर्ष

Suggested