English

अमृत दोर्जेको आत्मकथा ‘पर्खाइ’ विमोचन (फोटो फिचर)



समाजसेवी अमृत दोर्जे (कान्छा लामा) द्वारा लिखित आत्मकथा ‘पर्खाइ’ को विमोचन गरिएको छ । सोमबार बुढानीलकण्ठस्थित हातीगौँडामा भएको कार्यक्रममा नेकपा एमालेका वरिष्ठ उपाध्यक्ष तथा पूर्व उपप्रधानमन्त्री ईश्वर पोखरेलले उक्त पुस्तक विमोचन गरेका थिए ।

कार्यक्रमलाई सम्बोधन गर्दै नेता पोखरेलले ६ जना छोरीहरू भए पनि दोर्जेले विगतदेखि नै धेरै मेहनत र परिश्रम गरेर सबै छोरीहरूलाई अब्बल बनाएको देख्दा खुसीको अनुभूति भएको बताए ।

कार्यक्रममा बोल्दै लेखक दोर्जेले विगतमा मेहनत र दुःख गरेका कारण नै आज यहाँ सम्म पुग्न सफल भएको बताए । उनले विगतमा दुःख र कष्टलाई नजिकबाट नियालेको अनुभव सुनाउँदै दुःख नै भविष्यमा सफलताको बाटो हुने बताए । उनले भने ‘दुःखलाई नजिकबाट बुझ्यो भने दुःख नै हुँदैन । बुद्धि पुर्याएर काम गरौँ, बुद्धि पुर्याएर काम गर्यो भने दुःख आफै हटेर जान्छ ।’

छोरी पढाउनु हुन्न भन्ने त्यति बेलाको समाजको अवहेलना र आफन्तको घृणाको बाबजुद पनि बुवा एक इन्च नडगमगाइ ६ दिदी बहिनिलाई उच्च शिक्षा दिएर हामीलाई यो स्थानसम्म ल्याउनु भयो ।

लेखककी छोरी सीता लामा दुःख पछि सुख अवश्य आउने बताउँदै समयलाई पर्खिन सक्नुपर्ने बताइन् । उनले समय आएपछि हरेक कुरामा सक्षमका साथै आफ्नो लक्षमा पुग्न सकिने धारणा राखिन् । उनले भनिन् ‘छोरी पढाउनु हुन्न भन्ने त्यति बेलाको समाजको अवहेलना र आफन्तको घृणाको बाबजुद पनि बुवा एक इन्च नडगमगाइ ६ दिदी बहिनिलाई उच्च शिक्षा दिएर हामीलाई यो स्थानसम्म ल्याउनु भयो ।’

छोरा खोज्ने समाजलाई ६ वटी छोरी जन्माएर अब्बल बनाउने लेखक लामा समाजका लागि ज्वलन्त उदाहरण हुन् ।

कार्यक्रमको सम्बोधन गर्दै समाजसेवी राधिका शाक्यले लेखक लामालाई आज यो स्थानमा उभ्याउनका निम्ति ६ जना छोरीहरूको महत्त्वपूर्ण भूमिका रहेको बताइन् । उनले भनिन्, ‘छोरा खोज्ने समाजलाई ६ वटी छोरी जन्माएर अब्बल बनाउने लेखक लामा समाजका लागि ज्वलन्त उदाहरण हुन् ।’ समाजसेवी शाक्यले इमानदारिता र पौरखी बन्न सक्नुपर्छ भन्ने पाठ आत्मकथा पर्खाइ बाट पाउन सकिने बताइन् ।

छोरी अनिता लामाले बुवाले विगतमा पढाउनु भएको पाठलाई आत्मसाथ गर्दै अगाडी बढेका कारण आज यो स्थानसम्म आउन सफल भएको बताइन् ।

मा पर्खाइमा उनले आफ्ना जीवनमा घटेका अनेकौँ घटनाहरू समावेश गरेका छन्। विवाह, पसिनाको मूल्यः मीठो र दिगो, अभाव र गरिबी, आमाको वकसपत्रः दुःख माथि षड्यन्त्र लगायत विभिन्न १६ वटा शीर्षकहरू समावेश गरिएको छ ।

यो पनि…
शुभेच्छाको क्यान्सरमुक्त अनुभव ‘क्यान्सर, खानपान र म’
उत्तर कोरिया, मैले जे देखेँ



Leave a Reply

Your email address will not be published. Required fields are marked *

सम्बन्धित खबरहरु

नेपालको अन्नपूर्ण संरक्षण क्षेत्रमा नयाँ प्रजातिको चरा भेटिएको छ । नयाँ प्रजातिको चरा ‘फुस्रो सारौं’ नाममा अभिलेख गरिएको छ ।

वायु प्रदूषण रोक्न विकसित मुलुकहरूले सवारी साधन, कलकारखाना, उद्योगलगायत विभिन्न क्षेत्रमा विशेष मापदण्डहरू तोकी एक्युआई अर्थात् एयर क्वालिटी इन्डेक्समा उत्तम

‘तपाई जति प्रकृति नजिक पुग्नु हुन्छ, प्रकृति त्यति नै तपाई नजिक आइपुग्छ’, यो भनाई हङकङका नेपाली व्यवसायी राज गुरुङलाई ठ्याक्कै

एक साँझ हामी सूर्यास्त अवलोकन गर्न हेग शहरको अत्याधिक प्रसिद्ध समुन्द्रतट स्केभनिनगन गएका थियौँ । हाम्रो टोलीमा इटाली, फ्रान्स, नर्वे,