एकैदिन २५ सय ५९ जनामा कोरोना पुष्टि
नेपालमा गत २४ घण्टामा २ हजार ५५९ जनामा कोरोना संक्रमण पुष्टि भएको छ । योसँगै नेपालमा कोरोना संक्रमितहरुको कुल संख्या २ लाख ९४ हजार ६०१ पुगेको छ । साथै नेपालमा पछिल्लो २४ घण्टामा कोरोना भाइरसका कारण ५ जनाको मृत्यु भएको छ ।
योसँगै नेपालमा कोरोना भाइरसका कारण मृत्यु हुनेको कुल संख्या ३ हजार १ सय २२ पुगेको स्वास्थ्य मन्त्रालयले जनाएको छ । नेपालमा कोरोना भाइरस संक्रमण मुक्त हुनेहरुको कुल संख्या २ लाख ७६ हजार ७ सय ५५ रहेको छ भने पछिल्लो २४ घण्टामा नेपालमा कोरोना संक्रमण मुक्त हुनेहरुको संख्या ४ सय १० रहेको छ ।
गत २४ घण्टामा ९ हजार ६६४ जनाको कोरोना परीक्षण गरिएको छ भने अहिले क्वारेन्टाइनमा रहनेको संख्या ७५ रहेको छ । त्यस्तै नेपालमा हालसम्म २३ लाख ८८ हजार २ सय जनाको कोरोना परीक्षण भएको छ भने १४ हजार ७२४ जना आइसोलेसनमा रहेका छन् ।
