सुनको मूल्य बढ्दा चाँदी भने स्थिर
सुनको मूल्यमा निरन्तर उतारचढाव जारी रहेको छ । बुधबार घटेको सुनको मूल्य बिहीबार भने बढेको छ । साउन १९ गते, सुन तोलामा ८०० रुपैयाँले बढेको छ । आज चाँदीको भाउ भने स्थिर रहेको नेपाल सुनचाँदी व्यवसायी महासंघले जनाएको छ ।
आज छापावाल सुन प्रतितोला ९६ हजार १०० रुपैयाँ पुगेको छ । यसैगरी, तेजाबी सुन प्रतितोला ९५ हजार ६०० रुपैयाँमा कारोबार हुँदैछ ।
हिजो सुन तोलामा ३०० रुपैयाँले घटेको थियो । बुधबार सुन प्रतितोला ९५ हजार ३०० रुपैयाँमा झरेको थियो ।
बिहीबार चाँदीको मूल्य भने स्थिर रहेको छ । आज चाँदी प्रतितोला एक हजार २१० रुपैयाँ कायम रहेको छ । बुधबार भने चाँदीको मूल्य प्रतितोला १० रुपैयाँले ओरालो लागेको थियो ।
उता विश्व बजारमा पनि सुनको मूल्य वृद्धि भएको छ । अन्तरराष्ट्रिय मूल्य अनुसार यतिबेला सुन प्रतिअउन्स एक हजार ७७३ डलर आसपासमा कारोबार हुँदैछ । यो समाचार तयार पार्ने समयसम्म सुन ९ डलर भन्दा बढीले महंगिएको छ ।
चाँदीको मूल्य पनि अन्तररराष्ट्रिय बजारमा बढ्दा प्रतिअउन्स २० डलर बराबरमा खरिदबिक्री भइरहेको छ ।
यो पनि…
एक अर्ब २३ करोडभन्दा बढीको सी–फुड आयात
२७ अर्बको चामल र १५ अर्बको धान आयात
