एसईईको नतिजा सार्वजनिक

राष्ट्रिय परीक्षा बोर्डले माध्यमिक शिक्षा परीक्षा (एसईई)को नतिजा सार्वजनिक गरेको छ । बोर्डले आज (बुधबार) एसईई परीक्षाको नतिजा सार्वजनिक गरेको परीक्षा नियन्त्रक अर्जुन रायामाझीले जानकारी दिए ।

बोर्डले नौवटा ग्रेड निर्धारण गरी नतिजा सार्वजनिक गरेको छ । जसअनुसार सार्वजनिक नतिजाअनुसार ९ हजार ६ सय ३३ जना विद्यार्थीले उच्च (३.६ देखि ४) जीपिए प्राप्त गरेका छन् ।

त्यस्तै, ४१ हजार ६ सय २७ विद्यार्थीले ३.२ देखि ३.६ जीपीए, ६९ हजार ९ सय विद्यार्थीले २.८ देखि ३.२ जीपीए, ६९ हनार ९ सय विद्यार्थीले २.८ देखि ३.२ सम्म जीपीए, ९० हजार ५ सय ५८ विद्यार्थील २.४ देखि २.८ जीपीए प्राप्त गरेको बोर्डले जनाएको छ ।

त्यसैगरी, १ लाख १२ हजार ७ सय ३३ विद्यार्थीले २.० देखि २.४ जीपिए, १ लाख ५ सय ९४ जना विद्याथीले १.६ सम्म २.० जीपीए, ४४ हजार ५ सय ८६ विद्यार्थीले १.२ देखि १.६ जीपीए र ३ हजार २ सय ८० विद्यार्थीले ०.८ देखि १.२ सम्म जीपीए प्राप्त गरेको जनाइएको छ ।

बोर्डले २०७८ को एसईई परीक्षा वैशाख ९ देखि २० गतेसम्म परीक्षा सञ्चालन गरेको थियो । त्यो मध्ये ४ लाख ९५ हजार ७ सय ५१ जना परीक्षार्थी परीक्षामा सहभागि थिए ।

यसरी हेर्न सकिन्छ एसईईको नतिजा

एसईईको नतिजा परीक्षार्थीले बोर्डको वेबसाइटका साथै एसएमएस र आइभीआरबाट पनि हेर्न सकिने व्यवस्था गरेको छ । परीक्षा नियन्त्रक कार्यालयले नियमित तथा ग्रेडवृद्धि परीक्षाको नतिजा वेबसाइट, एसएमएस र आइभीआरबाट हेर्न सकिने जानकारी दिएको छ ।

नेपाल टेलिकम, जानकी टेक्नोलोजी प्रालि, इजी सर्भिस प्रालि, आकाश टेक प्रालिमा सर्टकोड हालेर नतिजा हेर्ने सकिनेछ । त्यस्तै राष्ट्रिय परीक्षा बोर्ड, सानोठिमी, स्प्यारो पे प्रालि, निमा एडुकेशन फाउण्डेशन, कान्तिपुर पब्लिकेशन, द कनेक्ट प्लस प्रालि, इडियु सञ्जाल र रिडर्स पोइन्ट प्रालिले पनि नतिजा सार्वजनिक गर्ने बताइएको छ । यसपटकको नतिजामा नन ग्रेडिङको व्यवस्था गरिएको छ । ग्रेडिङ प्रणालीले सिकाइको गुणस्तर खस्किँदै गएपछि मन्त्रालयले विद्यालय तहमा न्यूनतम अङ्क ल्याउनुपर्ने व्यवस्थामा जोड दिएको हो ।