सेयर बजारमा झिनो अंकको वृद्धि
नयाँ आर्थिक वर्षको पहिलो दिन आइतबार सेयर बजारमा झिनो अंकको सुधार आएको छ । आज नेप्से सूचक १.९३ अंकले बढेको छ । यससँगै सूचक २०११.३९ विन्दुमा आएको छ ।
आज कारोबार अवधिभर नेप्सेमा उतरचढाव जारी रह्यो । आज सेन्सेटिभ इण्डेक्स ०.०२ अंक बढेको छ भने फ्लोट इण्डेक्स ०.०७ अंक र सेन्सेटिभ फ्लोट इण्डेक्स ०.०९ अंक घटेको छ।
नेप्से उकालो लागेपनि आज कारोबार रकम भने अघिल्लो कारोबार दिनको तुलनामा घटेको छ। गत शुक्रबार १ अर्ब ४५ करोडको शेयर खरिदबिक्री भएकोमा यस दिन २१० स्टकको २५ हजार ९२४ पटकको कारोबारमा १ अर्ब २३ करोड २४ लाख रुपैयाँ बराबरको ३० लाख ४५ हजार कित्ता सेयर खरिदबिक्री भएको छ।
कारोबार रकमका आधारमा आज अपर तामाकोशी हाइड्रोपावर शीर्ष स्थानमा रहेको छ। सो कम्पनीको ६ करोड ४ लाख ६६ हजार रुपैयाँ बराबरको सेयर खरिदबिक्री भएको छ। त्यस्तै, आज हिमालयन डिष्टिलरी, अरुण काबेली पावर र एनआईसी एशियाको साढे ४ करोड बराबरको सेयर कारोबार भएको छ।
१३ उपसमूहमध्ये आज ५ उपसमूहको परिसूचक बढेको छ भने बाँकी ८ उपसमूहको परिसूचक घटेको छ।
यो पनि…
अप्पर सोलु हाइड्रोको आईपीओ निष्काशन
डिम्याट खाता र मेरो सेयरको वार्षिक शुल्क नबुझाए खाता रोक्का
