ब्रम्हाण्डको रंगीन तस्वीर सार्वजनिक
ब्रम्हाण्डको पहिलो रंगीन तस्वीर सार्वजनिक भएको छ । नासा र अमेरिकी राष्ट्रपति जो बाइडेनले मंगलबार नयाँ अन्तरिक्ष टेलिस्कोपबाट खिचिएको पहिलो रंगीन तस्वीर सार्वजनिक गरेका हुन् ।
नासाका वैज्ञानिकहरुले जेम्स वेब स्पेस टेलिस्कोपमार्फत उक्त तस्वीर खिचेका हुन् । जसलाई १४ वर्षको विकास र ६ महिनाको क्यालिब्रेशनपश्चात ब्रम्हाण्डको गहिराइ जाँच गर्ने उद्धेश्यले उक्त तस्बिर खिचिएको हो ।
सो तस्बिरमा ब्रम्हाण्डलाई प्रष्ट रुपमा देख्न सकिन्छ । ब्रम्हाण्डमा रहेको ग्रहहरुबाट निस्किएका प्रकाश पनि तस्वीरमा देख्न सकिन्छ ।
नासाले उक्त तस्वीर कैद गर्नका लागि लामो समय लागेको बताएको छ । यसअघि जेम्स वेबलाई २००७ मा सार्वजनिक गर्ने योजना थियो तर, त्यो सफल हुन सकेन । झण्डै १० अर्ब लगानी भएको यसलाई नासाले २०२१ मा सार्वजनिक गरेको थियो । जसको नाम नासाका पूर्व प्रसारक जेम्स वेबको नामबाट नामाकरण गरिएको हो ।
साथै, नासाले आगामी साता जेम्स वेब टेलिस्कोपले कैद गरेका तस्वीरहरु सार्वजनिक गर्ने जनाएको छ । यो टेलिस्कोप अन्तरीक्षको चारै दिशमा नजर राख्न सक्ने गरी बनाइएको छ । जसले पृथ्वीबाट एक लाख माइलभन्दा टाढाको तस्वीर केद गर्दछ ।
तस्बिर सार्वजनिक गर्दै अमेरिकी राष्ट्रपति बाइडेनले ब्रह्माण्डको वास्तविक आकार बुझ्ने प्रयासमा सफलता प्राप्त गरेकोमा शुभकामना दिए । साथै, अमेरिकाले ठूलो काम गर्न सक्छ भन्ने प्रमाणित भएको समेत बताए ।
