अपर अरुण महत्वाकाक्षीं तर सम्भव परियोजना
आयोजना निर्माण भए सङ्खुवासभाले लाभ लिन सक्छ
अरुण नदीमा निर्माण हुन लागेको अपर अरुण जलविद्युत् आयोजनाबाट सङ्खुवासभाका बासिन्दाले बढीभन्दा बढी लाभ लिन पाउनुपर्ने माग गरेका छन् ।
परियोजनामा सङ्खुवावासीको हक, अधिकार र लगानी जुटाउने विषयमा आयोजित कार्यक्रममा प्रभावित क्षेत्रका बासिन्दाले उक्त माग राखेका हुन् ।
अपर अरुण आयोजना समयमा सम्पन्न हुनसके सङ्खुवासभाका ३९ हजार ३०६ घरधुरी लाभान्वित हुने बताइएको छ ।
सङ्खुवासभाकाको भोटखोला गाउँपालिका–२ र ५ मा निर्माण हुन लागेको उक्त आयोजना १ हजार ६१ मेगावाट क्षमताको रहेको छ । झण्डै दुई खर्ब १५ अर्ब रुपैयाँ लागत अनुमान गरिएको उक्त परियोजना निर्माण सम्पन्न गर्न ६ वर्ष लाग्ने बताइएको छ ।
नेपाल सरकारले स्वीकृत गरेअनुसार उक्त परियोजनामा ६८ प्रतिशत शेयर नेपाल विद्युत् प्राधिकरण र विदेशी दातृसंस्थाबाट तथा बाँकी सर्वसाधारण र अन्यका लागि छुट्याइएको छ ।
यो पनि…
बुढीगण्डकी जलविद्युत् आयोजना : सरकारको अत्यावश्यक निर्णय
अरुण तेस्रोमा धोका पाएको २७ वर्षपछि विश्व बैंकको नजर माथिल्लो अरुणमा
