सेयर बजारमा उत्साह
अन्दोलनरत लगानीकर्ताहरुको माग पुरा हुने भएपछि शुक्रबारको सेयर कारोबारमा सुधार देखिएको छ । निरन्तरजसो घटिरहेको सेयर बजार आज भने सामान्य बढेको छ । शुक्रबार नेप्से सूचक १३.७८ अंकले बढेर १८६२.०६ विन्दुमा पुगेको हो ।
आज २२३ कम्पनीको ३५ लाख ४१ हजार ५३७ कित्ता सेयर किनबेच भएर १ अर्ब १५ करोड १२ लाख रुपैयाँ बराबरको सेयर कारोबार भएको छ ।
आज कारोबार भएका १३ वटा उपसुचक मध्ये १२ वटा उपसमुहको सूचक सकारात्मक भएका छन् । म्युच्युअल फण्ड बाहेक सबै उपसमुहको सूचक सकारात्मक भएका हुन् ।
फाइनान्स उपसमुहको सूचक सर्वाधिक १.९१ प्रतिशतले बढ्दा म्युचुअल फण्ड उपसमुहको सूचक ०.६७ प्रतिशतले घटेको छ ।
कारोबार रकमको आधारमा आज कुमारी बैंक शिर्ष स्थानमा रहेको छ । कुमारी बैंकको ८ करोड ६३ लाख रुपैयाँ बराबरको कारोबार भएको हो । यस्तै ङादी ग्रुप पावरको पनि ६ करोड ३१ लाख रुपैयाँ भन्दा बढीको शेयर किनबेच भएको छ ।
यो पनि…
एक अर्ब २३ करोडभन्दा बढीको सी–फुड आयात
बुधबार सेयर बजारमा उल्लेख्य सुधार
