‘जनताको सुख दुःखको सारथी बन्छु भनेरै राजनीतिमा होमिएको हुँ’



‘गरिबीको रेखामुनी रहेका सर्वसाधारणको जीवनस्तर उकास्न र विकासको मूल फुटाउन फेरि आएको छु,’ यो भनाई बागलुङको ढोरपाटन नगरपालिकाका नवनिर्वाचित प्रमुख देवकुमार नेपालीको हो ।

हालै सम्पन्न स्थानीय निर्वाचनबाट पुनः ढोरपाटन नगरको दैलो छिरेका नेपाली आफूमाथि जनताले पुनः सेवा गर्ने अभिभारा सुम्पिएको बताउँछन् । ‘मलाई राजनीतिबाट कुनै स्वार्थ लिनु छैन,’ उनी भन्छन्, ‘म जनताका लागि नै काम गर्छु र उहाँहरुकै सुख दुःखको सारथी बन्छु भनेरै राजनीतिमा होमिएको व्यक्ति हुँ ।’

५ वर्ष ढोरपाटन नगर हाँकिसकेका नेपाली आफूले जनहितमा थुप्रै काम गरेको सुनाउँछन् । ‘ढोरपाटनबासी जनताको सुख दुःखमा सधैं साथ दिँदै आएँ,’ उनले भने, ‘जनताले जतिबेला जहाँ बोलाए पनि आफ्नो उपस्थिति जनाएँ त्यसैले त जनताले फेरि पनि माया गर्नुभयो ।’

निर्वाचनमा एमाले उम्मेदवार नेपालीले ७ सय ३५ मत प्राप्त गरी विजेता बने । उनका निकटतम प्रतिद्वन्द्वी गठबन्धनका उम्मेदवार नेकपा माओवादी केन्द्रका चन्द्रलाल अर्याल ५ हजार १ सय ३५ मतका साथ पराजित भए । २०७४ को निर्वाचनमा नेपालीसँग कांग्रेसका अर्जुन शेरचन पराजित भएका थिए ।

दोस्रो कार्यकालका लागि निर्वाचित भएका नेपाली अबको ५ वर्षमा ढोरपाटनबासीको मुहारमा थप खुशी ल्याउन चाहन्छन् । ‘समृद्ध ढोरपाटन निर्माणका लागि अझै पनि थुप्रै काम गर्न बाँकी छ,’ उनी भन्छन्, ‘जनताका अधुरा काम पुरा गर्न मैले पुनः अवसर पाएको छु यो कार्यकालमा ढोरपाटनको मुहार फेरेरै छाड्छु ।’

यो पनि :
‘अब भरतपुर स्मार्ट सिटी बन्ने छ’
‘शंखरापुरमा जनताले गुनासो गर्ने दिन गए, अब नगरपालिका सिस्टममा चल्छ’



Leave a Reply

Your email address will not be published.

सम्बन्धित खबरहरु

नेपाल कसरी परनिर्भर बन्दै गएका छन् भन्ने एउटा सामान्य उदाहरणका रूपमा लिन सकिन्छ नेपालमा भइरहेको कटुसको आयात । नेपालका वनजङ्गलमा

सरकारले लगातार दश वर्षदेखि सार्वजनिक गर्दै आएको तथ्य र तथ्याङ्कले चामलको परनिर्भरता अकासिएको पुष्टि हुन्छ । आर्थिक वर्ष २०६९/७० मा

अरुण नदीमा निर्माण हुन लागेको अपर अरुण जलविद्युत् आयोजनाबाट सङ्खुवासभाका बासिन्दाले बढीभन्दा बढी लाभ लिन पाउनुपर्ने माग गरेका छन् ।

नेपाल विद्युत् प्राधिकरणले भारतीय ऊर्जा एक्सचेन्ज (आईएक्स) मार्केटमा प्रतिस्पर्धी दरमा खुद एक अर्ब ७२ करोड ३० लाख रुपैयाँको विद्युत् बिक्री

Suggested