घोडाबारे १५ रमाइला तथ्य



प्रकृतिको सुन्दर सृष्टि हो, घोडा । मानव सभ्यताको सुरुवाती चरणदेखि नै घोडा मानिसको साथी रहँदै आएको छ । मानिसको सवारीको लागि, भारी बोक्न, रेसिङ र प्रजनन जस्ता कार्यका लागि पनि घोडाको प्रयोग हुँदै आएको छ ।

भाले घोडालाई स्टेलियन र पोथी घोडालाई मेर भनिन्छ । त्यस्तै भाले बच्चालाई क्लट र पोथी बच्चालाई फिलिस भनिन्छ । संसारमा करिब ४ सय भन्दा बढी घोडाका प्रजातिहरू छन् । घोडाबारे १५ रोचक तथ्यहरू यस प्रकार छन् ।

१. घोडा भूईंमा लम्पसार परेर र उभिएर, दुवै तरिकाबाट निदाउन सक्छ ।
२. घोडा जन्मेको केही बेरमै दौडिन सक्छ ।
३. घोडाको शरीरमा २ सय ५ हड्डी हुन्छन् ।
४. स्तनधारी जीवहरूमध्ये सबैभन्दा ठूलो आँखा घोडाको हुन्छ ।
५. आँखा ठूलो भएकै कारण घोडाले ३६० डिग्रीसम्म हेर्ने क्षमता राख्छ ।
६. घोडा करिब ४३ किलोमिटर प्रति घण्टाको रफ्तारमा दौडिन सक्छ ।
७. अहिलेसम्मको रेकर्डअनसार घोडाले ८८ किलोमिटर प्रति घण्टाको रफ्तारमा दौडेको पाइएको छ ।
८. जब घोडाहरू हाँसेको जस्तो मुख बनाउँछन्, तब उनीहरू सुुुङ्घ्ने तरीका अपनाई रहेका हुन्छन्, यसलाई फ्लेमेन भनिन्छ ।
९. घोडाको खुर मानिसको कपाल र नङ बन्ने प्रोटिनले नै बनेको हुन्छ ।
१०. घोडाले आफ्नो अभिव्यक्तिका लागि कान, आँखा र नाकको प्वालको प्रयोग गर्छ । घोडा अनुहारको भावले पनि कुराकानी गर्छ ।
११. घोडामा रातको समयमा मानिसको भन्दा राम्रो दृष्टि क्षमता हुन्छ । यद्यपी उज्यालोबाट अँध्यारोमा र अँध्यारोबाट उज्यालोमा जाँदा मानिसको भन्दा घोडाको आँखालाई एड्जस्ट हुन समय लाग्छ ।
१२. गुलाबी छाला भएको घोडालाई सनबर्न अर्थात् घामले छिटै छाला डढाउँछ ।
१३. घोडालाई जाडो भएको छ कि छैन भनेर थाहा पाउन कानको पछिल्लो भागमा छामेर थाहा पाउन सकिन्छ । यदि सो स्थान चिसो छ भने, घोडालाई जाडो भएको बुझ्न सकिन्छ ।
१४. घोडा सामाजिक प्राणी हो । एक्लै राख्दा घोडा एक्लो र निराश महसुस गर्छ भने साथी मर्दा शोकमा समेत डुब्छ ।
१५. घोडाले आफ्नो कान १८० डिग्री घुमाउन सक्ने क्षमता राख्छ ।



Leave a Reply

Your email address will not be published.

सम्बन्धित खबरहरु

हिन्दु नारीको महत्वपूर्ण पर्व तीज नजिकिँदै गर्दा तीज सम्बन्धी गीतहरु बजारमा ल्याउने क्रम चलेको छ । यस्तैमा लोकदोहारी गायक खुमन

गत जेठ २२ गते प्रदेश नं. १ मा प्रवेश गरेको मनसुन प्रणाली असार १२ गतेसम्म आइपुग्दा सुदूरपश्चिम प्रदेशमा प्रवेश गरेको

नेपालको राष्ट्रिय पहिचानलाई विश्वव्यापिकरण गर्ने लक्ष्यका साथ स्थापित संस्था हो– नेप्लिज मार्केटिङ एसोसिएसन (एनएमए) । त्यसैलाई मुर्त रुप दिन एनएमएले

नेपाल टेलिकमले लिज लाईन पुनरावलोकन गरेको छ । टेलिकमले आफुले उपलब्ध गराइरहेको लिज कनेक्टिभिटी को नयाँ महशुल दर कायम गरेको

Suggested