यसकारण बिग्रन सक्छ दाम्पत्य जीवन

रामायणमा रावणले सीताको अपहरण गरेका थिए । त्यसपछि श्रीराम र लक्ष्मण सीताको खोजीमा भौंतारिए । त्यसबेला शिव र सती देवीले श्रीरामलाई सीताको सम्झनामा रोइरहेको देखे । शिवले टाढाबाट रामलाई प्रणाम गरे र सती देवीलाई भने, ‘तिमी पनि रामलाई नमन गर ।’

सती देवीले भनिन्, ‘राम आफ्नी पत्नीको सम्झनामा रोइरहनु भएको छ, उहाँ कसरी भगवान् हुन सक्नुहुन्छ ? म तिनीहरूलाई पहिले परीक्षण गर्नेछु ।’

यो रामको लीला भएको बताउँदै शिवले शंका नगर्न भने । तर सती देवीले सुनिनन् र रामको परीक्षा लिन उनको अगाडि पुगिन् । सती देवीले सीताको रूप धारण गरिन् । रामजीले सती देवीलाई सीताको रूपमा चिने र प्रणाम गर्दै भने, ‘महादेव कहाँ छन् ?’

यो सुनेर सती देवीले भगवान् नै हो भनी बुझिन् । देवी लज्जित भई शिवकहाँ फर्किइन् । सती देवीले सोचिन कि ‘मैले परीक्षा दिएँ तर रामले मलाई चिन्नुभयो ।’

सती देवीले शिवजीलाई झुटो बोलिन् । भनिन्, ‘मैले रामको परीक्षा लिइनँ, म तपाईंजस्तै टाढाबाट झुकेर आएको हुँ । म नतमस्तक भएर आएको छु ।’ सती देवीले यतिकुरा भनेपछि शिव स्तब्ध भए । शिवजीलाई थाहा थियो कि मेरी पत्नी जिद्दी छिन् ।

शिवले आँखा बन्द गरेर ध्यान गर्दा, सतीले सीता बनेर रामको परीक्षा लिएकी थिइन् भन्ने थाहा भयो । यसपछि शिवजीले मानसिक रूपमा सतीको त्याग गरेका थिए ।

सन्देश
पति–पत्नीको बीचमा झूट, क्रोध, अहंकार, छल जस्ता कुराहरू हुनु हुँदैन । जसका कारण दाम्पत्य जीवन बिग्रन्छ । श्रीमान श्रीमतीको सम्बन्ध भनेको दूध र पानी जस्तै हो । दूधमा कति पानी मिसिएको छ, पानीमा दूध कति मिसिएको छ भन्ने तत्काल थाहा हुँदैन । तर दूध र पानीमा अमिलो मिसाउँदा दूध र पानी छुट्टिन्छ । झुट, क्रोध, अभिमान र छल पति पत्नीको सम्बन्धमा अमिलो जस्तै हो । जसका कारण सम्बन्ध टुट्न सक्छ ।
यो पनि…

कसैलाई नभन्नुहोस् यस्ता गोप्य कुरा
लक्ष्य प्राप्त गर्न तपस्या जरुरी