आइपिएल : राजस्थान रोयल्सले मुम्बई इण्डियन्सलाई हरायो
इन्डियन प्रिमियर लिग (आइपिएल) क्रिकेटमा राजस्थान रोयल्सले मुम्बई इण्डियन्सलाई २३ रनले पराजित गरेको छ । मुम्बईको डि.वाइ.पटेल स्टेडियममा टस हारेर पहिले व्याटिङ गरेको राजस्थानले निर्धारित २० ओभरमा ८ विकेट गुमाउँदै १९३ रन बनायो ।
राजस्थानका लागि जोस बट्लरले शतक प्रहार गरे । ६८ बल खेलका उनले ११ चौका र ५ छक्काको मद्दतमा १०० रन बनाए । यस्तै सिमरोन हेटमायरले ३५ र सञ्जु सामसनले ३० रन बनाए ।
बलिङतर्फ मुम्बईका जसप्रीत बुमराह र त्यामल मिल्सले तीन–तीन तथा किरन पोलार्डले एक विकेट लिए ।
१९४ रनको लक्ष्यसहित जवाफी व्याटिङ गरेको मुम्बईले निर्धारित २० ओभरमा ८ गुमाउँदै १७० रन मात्रै बनायो । मुम्बईमा तिलक वर्माले ६१, इशान किशानले ५४, किरन पोलार्ड २२ रन बनाए ।
यो पनि…
आइपिएल : कोलकत्ताका अगाडि निरीह पन्जाब किङ्स
विश्वकप : कुन देश कुन समूहमा ? [तालिका]
