आइपिएल : कोलकत्ताका अगाडि निरीह पन्जाब किङ्स
पन्जाब किङ्सलाई ६ विकेटले हराउँदै कोलकत्ता नाइट राइडर्सले इन्डियन प्रिमियर लिग (आइपिएल) टी–२० क्रिकेटमा लगातार दोस्रो जित निकालेको छ ।
शुक्रबार राति पन्जाबले दिएको १३८ रनको लक्ष्य कोलकत्ताले १४ ओभर ३ बलमा ४ विकेट गुमाएर पूरा गर्यो । कोलकत्ताको जितमा आन्द्रे रसेलले अविजित रहदै ७० रन बनाए ।
यस्तै कप्तान श्रेयस आयरले २६ र साम विलिङ्सले अविजित २४ रन बनाए । यस अघि पहिले ब्याटिङ गरेको पन्जाबले १८ ओभर २ बलमा अलआउट हुँदै १३७ रन बनायो ।
पन्जाबका लागि भानुका राजपाक्षेले ३१ रन जोड्दा कागिसो राबडाले २५ रन बनाए । लियाम लिभिङस्टोनले १९, शिखर धवनले १६ तथा हारप्रित ब्रारले १२ रन बनाए ।
कोलकत्ताका उमेश यादवले ४ विकेट लिदा टिम साउथीले २ विकेट लिए । जितसँगै कोलकत्ताले ३ खेलबाट ४ अंक जोड्दै शीर्ष स्थानमा उक्लिएको छ । पन्जाबको भने यो पहिलो हार हो । पन्जाबले २ खेलमा २ अंक छ ।
यो पनि…
विश्वकप : कुन देश कुन समूहमा ? [तालिका]
यी हुन् कतार विश्वकपमा स्थान बनाएका २९ राष्ट्र
आठ वर्षपछि अमेरिका विश्वकपमा छनोट
