केयूमा अनलाइन कक्षा सुरु, टियूमा छैन सुरसार

कोरोना प्रभाव


काठमाडौं विश्वविद्यालयले एक महिनाको लागि प्रत्यक्ष पठनपाठन बन्द गरेको छ । स्कुल अफ साइन्सका डिन प्राडा कन्हैया झा र स्कुल अफ इन्जिनियरिङका डिन प्राडा मनीष पोखरेलले संयुक्त रूपमा निकालेको सूचनामा चैत २६ देखि २०७८ वैशाख मसान्तसम्म अनलाइन माध्यमबाट पढाइ हुने उल्लेख छ ।

कोभिड १९ को नयाँ संस्करण फेला पर्न थालेसँगै सरकारले भीडभाड हुने स्थानहरूमा आवश्यक मापदण्ड अपनाउन निर्देशन दिए पनि शैक्षिक संस्थाहरूको हकमा भने हाललाई अनलाइन कक्षा सञ्चालनमा ल्याउने निर्देशन दिइसकेको छैन ।

यद्यपि काठमाडौं विश्वविद्यालयको धुलिखेलस्थित स्कुल अफ साइन्स र स्कुल अफ इन्जिनियरिङमा भने अनलाइन कक्षा सञ्चालन हुने भएको छ । अर्थात त्यहाँ प्रत्यक्ष पठन पाठन कार्य रोकिएको छ ।

केयूले प्रत्यक्ष पठन पाठन किन रोक्यो त ? काठमाडौं विश्वविद्यालयका प्रवक्ता एकुमाया पुनका अनुसार केही विद्यार्थीमा कोरोना संक्रमण देखिएकोले सावधानी स्वरुप अनलाइन कक्षा सञ्चालन गर्न लागिएको हो ।

काठमाडौं विश्वविद्यालयका प्रवक्ता एकुमाया पुनका अनुसार केही विद्यार्थीमा कोरोना संक्रमण देखिएकोले सावधानी स्वरुप अनलाइन कक्षा सञ्चालन गर्न लागिएको हो ।

गत बर्षको लकडाउनको समयमा प्रायः सबैजसो शैक्षिक संस्थाले अनलाइन कक्षा सञ्चालन गरेका थिए । काठमाडौं विश्वविद्यालयको काठमाडौंस्थित केही कलेजहरूमा अझै पनि अनलाइन कक्षा सञ्चालनमै छन् । स्नातक तहमा भौतिक उपस्थितिमा कक्षा भएपनि स्नातकोत्तर तहमा भने अनलाइन कक्षा सञ्चालनमै रहेको काठमाडौं विश्वविद्यालयका प्रवक्ता पुनले जानकारी दिइन् ।

विद्यार्थीमा संक्रमण देखिएकै कारण विश्वविद्यालयले २५ जना भन्दा बढी भेला नहुने, भीडभाड नगर्ने र आवश्यक सावधानी अपनाउने सरकारी निर्देशनकै आधारमा अनलाइन कक्षा सञ्चालन गर्न लागेको प्रवक्ता पुनको दावी रहेको छ ।

के गर्दैछ त्रिविले ?

कोभिड १९ को दोस्रो लहरको त्राससँगै विद्यार्थी संक्रमित हुन थालेपछि शैक्षिक संस्थाहरु होसियार हुनुलाई अन्यथा मान्न सकिदैन । यद्यपी सबैभन्दा बढी विद्यार्थी सङ्ख्या भएको त्रिभुवन विश्वविद्यालय (त्रिवि) मा भने अनलाइन कक्षाको सुरसार छैन । जबकि त्रिवि अन्तर्गतका कलेजहरूमा अत्याधिक विद्यार्थी पठन–पाठन गर्दछन् । त्रिविका आंगिक क्याम्पस ६१ वटा छन् भने करिब ११ सय क्याम्पसले सम्बन्धन प्राप्त गरेका छन् । केयूसंग सम्बद्ध १६ वटा क्याम्पस छन् ।

अनलाइन कक्षा सञ्चालन गर्ने सम्बन्धमा त्रिविका सूचना अधिकारी योगेन्द्र प्रसाद दाहाल भन्छन्, ‘यसबारेमा त्यस्तो निर्णय गरिहाल्ने स्थिति देखेका छैनौं ।’



Leave a Reply

Your email address will not be published.

सम्बन्धित खबरहरु

स्थानीय तह निर्वाचन सकिएको छ । गत वैशाख ३० गते सम्पन्न स्थानीय तह निर्वाचनको मतगणनाको अन्तिम परिणाम लगभग आइसकेको छ

त्यो वैशाख १९ को दिन थियो, मुलुक स्थानीय निर्वाचनको रापतापमा थियो । तपाइको उम्मेदवारी किन ? तपाईको विजयले आममानिसको जीवनशैलीमा

मुलुकको राजधानीसमेत रहेको काठमाडौँ महानगरपालिकामा स्वतन्त्र उम्मेदवार बालेन्द्र साह ६१ हजार ७ सय ६७ मतसहित प्रमुखमा निर्वाचित भएका छन् ।

उत्तम कुँवर स्मारक पुरस्कार गुठीले २०७८को उत्तमशान्ति पुरस्कार एक शताब्दी लामो इतिहासको आँखीझ्यालका रूपमा प्रेरणादायी रहेको गिरिश गिरीद्वारा लिखित ‘सत्यमोहन’

Suggested